7-13 OCTUBRE
SALMOS 92-95
Kantiko 84 bätä orasion | Kukwe niedre kena (min. 1)
1. ¡Sribita Jehovakrä ye abokän sribi bäri kwin!
(min. 10)
Jehová aibe mika rabadre täte (Sl 92:1, 4; w18.04 26 párr. 5).
Nire tä niara mike täte ye dimikata kwe kukwe kwin den nuaindre jai köböire kä tädre jutobätä (Sl 92:5; w18.11 20 párr. 8).
Nire tä Jehová mike täte, tärä nemen umbre akwa ütiäte jankunu Jehovakrä (Sl 92:12-15; w20.01 19 párr. 18).
KUKWE NE NGWENTARI JAI: “¿Ñobätä ti ñan ja denkä mento Jehovakrä aune ja ngökö ñöte?”.
2. Perla ükani känändre
(min. 10)
Sl 92:5. ¿Jehová töbätä kri yebätä dre mikata gare bersikulo nekänti? (cl-S 176 párr. 18).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Sl 94:1-23 (th kukwe ja tötikara 5)
4. Blita kömikakäre
(min. 4) KUKWE DRIEDRE KÄ JOKRÄ NGWANE. Mäta blite ni iti ben ngwane, mäkwe kä kwin känä mä abokän ni tötikaka Bibliabätä mikakäre gare (lmd kukwe ja tötikara 5 punto 3).
5. Ni tuadrebitita
(min. 3) KUKWE DRIEDRE KÄ JOKRÄ NGWANE. Ni iti käkwe ñan ja tötika kani ngäbiti ni testiko ie, akwa nengwane tö kukwe mikai gare jai ye ie mäkwe ja tötika Bibliabätä drie (lmd kukwe ja tötikara 8 punto 4).
6. Nitre tötikadre
(min. 5) Mekerabe ni iti tä ja tötike Bibliabätä mäbe akwa ñan ja töi kwite yebe mäkwe blita (lmd kukwe ja tötikara 12 punto 5).
Kantiko 5
7. Monsotre bati ruäre ye tä nemen ulire krubäte töbikakwe ye kisete
(min. 15) Kukwe kädriedre nitre ja ükaninkrö yebe.
Ni Jehová mikaka täte ye tä ja tuin töbikakwe yebe. Ñodre, Davidkwe ja tuani bä kabre töbikakwe yebe, ye erere arato kä nengwane tä nemen bare ja mräkätrebätä (Sl 13:2; 139:23). Monso o nitre bati jökrä ñan tä kwäräbere töbikakwe yebätä aune töbikakwe ye köböite kukwe nuainta köbö kwatire kwatire ñodre niken kwelate, niken gätäbätä ye raba nemen tuin sribi doboko ye kwrere ietre. Ruäre ngwane, töbikakwe ye köböite kä jürä raba nemen monsotrebätä aune tö raba nemen ja murie ketabätä.
Monso bati, töbikakwe kri krubäte tä mä kisete ruin mäi ngwane, mäkwe blita mä rünbe o ni niena ünä ja üairebiti yebe aune mäkwe ñaka Jehová käi kwitaka jabiti, bäri kwin käre mäkwe ja drie ie (Flp 4:6). Käre Jehová tädi juto biare mä dimikakäre (Sl 94:17-19; Is 41:10). Steingbätä kukwe namani bare yebätä töbike.
VIDEO Ti ütiäte Jehová kräke ye mikadre tuare. Kukwe ngwandretari nitre ja ükaninkrö ie:
• ¿Texto meden käkwe Steing dimikani aune ñobätä dimikani kwe?
• ¿Jehovakwe niara ngibiabare ño?
Nitre rüne, töbikakwe tä monsotre kisete yebätä mun raba dimike arato. Munkwe kukwe nua bätärekä, tare munkwe ye munkwe mika gare ie aune Jehovata tarere ye rabadre metre kräke ye mika nüke gare ietre (Tit 2:4; Snt 1:19). Jehová raba mun töi mike jäme aune ja di bien munye ye ngwen törö jai, aisete ja di kärere ie.
Konkrekasionte ni tärä ulire töbikakwe ye kisete, ruäre ngwane tärä akwa ñan gare nie. Ni iti tä ja tuin töbikakwe yebe ye gare nie akwa, ja ruin ño ietre ye ñan nuäre ni kräke mikakäre gare jai, akwa yebiti ta ni raba kukwe ruäre nuainne. Nitre jökrä tare nikwe ye bämikadre ye köböire niaratre tare nikwe aune ütiäte ni kräke rabadre gare ietre (Pr 12:25; Heb 10:24).
8. Ja tötika Bibliabätä konkrekasionte
(min. 30) bt cap. 16 párr. 6-9 aune recuadro pág. 132.