20-26 ENERO
SALMOS 138, 139
Kantiko 93 bätä orasion | Kukwe niedre kena (min. 1)
1. ¡Ñan ja ganain mana kä jürä ie!
(min. 10)
Ni tö Jehová käikitaikä ja brukwä tätebiti (Sl 138:1).
Blitakäre gätäte kä jüräta nemen mabätä ngwane, mäkwe ja di kärä Jehovai (Sl 138:3).
Kä jüräta nemen mäbätä ye ñan blo (Sl 138:6; w19.01 10 párr. 10).
KUKWE NE ERERE NUAIN RABA: Mä raba ja di ngwen blite chitani, ye raba mä dimike ñan kä jürä ngwen krubäte jäbätä (w23.04 21 párr. 7).
2. Perla ükani känändre
(min. 10)
Sl 139:21, 22. ¿Ni kristiano rabadre ngite kite ta ni jökräbiti ye ribeta nie? (it-2-S 635 párr. 7).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Sl 139:1-18 (th kukwe ja tötikara 2)
4. Blita kömikakäre
(min. 3) KUKWE DRIEDRE NITRE OKWÄBITI. (lmd kukwe ja tötikara 2 punto 3).
5. Nitre tötikadre
(min. 4) KUKWE DRIEDRE NITRE OKWÄBITI. Mäkwe ja tötika Bibliabätä drie nitre ie aune ni tötikata ño ye mäkwe mika gare (lmd kukwe ja tötikara 10 punto 3).
6. Kukwe kädriedre
(min. 5) ijwyp-S artículo 105. Kukwe: ¿Kä jürä krubäte tibätä ye ganainkäre dre raba ti dimike? (th kukwe ja tötikara 16).
Kantiko 59
7. Kä jürä krubäte mäbätä akwa yebiti ta mä raba sribire kwin Jehová kräke
(min. 15) Kukwe kädriedre nitre ja ükaninkrö yebe.
¿Kä jürä krubäte mäbätä? ¿Mäkwe blitadre ribedre mai ye ie ñaka mä tö? ¿Mäkwe blitadre nitre ben yebätä mätä töbike ngwane, mä kukwe ñan gitiadrekä jire tä nemen ruin mäi? Ruäre ngwane, ni tö kukwe nuainne akwa kä jürä yebätä ñaka nuainta. Nitre kwatibätä kukwe ne erere nämäni bäre, akwa ja di ngwani ganainkäre kwe, köböire nengwane tä kukwe metre yebätä blite nitre madabe. ¿Ja di ngwanina kwe yebätä dre nemen gare nie ja töi kräke?
VIDEO Kä jürä yebiti ta tita ja di ngwen, mikadre tuare. Biti kukwe ne ngwandretari:
Lee moloikwe niebare ie, niara rabadre ja di ngwen sribire ja dibiti Jehová kräke ye mikani täte kwe ¿ye köböire dre kwin namani bare kräke?
Moisés, Jeremías aune Timoteo yebätä kä jürä nämäne mikata gare Bibliakwe (Éx 3:11; 4:10; Jer 1:6-8; 1Ti 4:12). Akwa Jehová nämäne bentre ye köböire kukwe ñan tuabare nuainbare kwetre (Éx 4:12; Jer 20:11; 2Ti 1:6-8).
Ñäkädre Isaías 43:1, 2 yebätä. Biti kukwe ne ngwandretari:
¿Nitre Jehová mikaka täte ye ie Jehová tä dre käbämike?
¿Nitre bätä kä jürätä krubäte, ye Jehová raba dimike ño ne kwe käre mikadre täte kwe?
VIDEO Ja ngöka ñöte ye käkwe kä mikai bäri juto mäbätä, ¿ñobätä? (Oto chi), mikadre tuare. Biti kukwe ne ngwandretari:
¿Üai deme Jehovakwe tä ja ngwai Jackson dimike ño kukwe driebätä nieta kwe?
¿Kukwe drie, ye raba ni jakaire krubäte ye dimika ño?
8. Ja tötika Bibliabätä konkrekasionte
(min. 30) bt cap. 21 párr. 8-13 aune recuadro pág. 169.