28 ABRIL NEMEN 4 MAYO
PROVERBIOS 11
Kantiko 90 bätä orasion | Kukwe niedre kena (min. 1)
1. ¡Ñan niedre!
(min. 10)
Kukwe raba mate tare “mä mräkäbätä” ye ñan niedre (Pr 11:9; w02-S 15/5 26 párr. 4).
Kukwe raba ni mike ja ñäkebiti ye ñan niedre (Pr 11:11; w02-S 15/5 27 párr. 2, 3).
Kukwe bäin ye ñan niedre jire (Pr 11:12, 13; w20.03 22 párr. 12, 13).
KUKWE TÖBIKATARIKÄRE: Jesukwe kukwe niebare Lucas 6:45 ye erere, ¿dre käkwe ni dimikai kukwe raba mate tare ni madabätä ye ñan niere?
2. Perla ükani känändre
(min. 10)
Pr 11:17. ¿Ja moto mikata kwin ni madakrä ye ñobätä kwin nikrä? (w18.11 30 párr. 4-6).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Pr 11:1-20 (th kukwe ja tötikara 5)
4. Blita kömikakäre
(min. 4) KUKWE DRIEDRE KÄ JÖKRÄ NGWANE. Gätä nuainbare mrä yete kukwe namani gare mäi yebätä mäkwe blita ni yebe kä debe näre ngwane (lmd kukwe ja tötikara 2 punto 4).
5. Ni tuadrebitita
(min. 4) KUKWE DRIEDRE KÄ JÖKRÄ NGWANE. Video tä nikwe dirikäre bäri kwin yebätä blitadre akwa ñaka mikadre tuare (lmd kukwe ja tötikara 8 punto 3).
6. Nitre tötikadre
(min. 4) KUKWE DRIEDRE NITRE OKWÄBITI. Mäkwe ja tötika Bibliabätä drie nitre ie aune ni tötikata ño ye mäkwe mika gare (lmd kukwe ja tötikara 10 punto 3).
Kantiko 157
7. Mä tidrä yebiti ñan kä jäme juan ngwarbe
(min. 15) Kukwe kädriedre nitre ja ükaninkrö yebe.
Ni ngite yebätä ruäre ngwane, ni raba kukwe ñan kwin niere (Snt 3:8).Nita dre dre niere blo ye ngwandre törö jai ye käkwe ni dimikai ñan blite okwä kware. Ñodre kukwe ruäre nieta ne kwrere abokän raba kä jäme ye juen ngwarbe konkrekasionte:
Ja käikitakata jondron ruäre bätä. Ja käikitaka akwle ye köböire ja rüe känä raba au aune ja mräkätre raba nemen bätä ngwen nibätä (Pr 27:2).
Ñaka blitata metre. Kukwe ngwarbe nieta ye ñan aibe ngörä ñakare aune ñan blitata metre köböite nitre raba nemen töbike blo. Ñan kukwe metre nieta ye köböire tö ngwan ñan raba nementa nie o ja bämika raba käme akwle nitre mada okwäbiti (Ec 10:1).
Ni mada kädrieta. Nitrebätä kukwe ñaka metre nieta o kukwe bäin nieta bätätre köböite bämikata käme (1Ti 5:13). Kukwe ye köböire ru raba nemen jabe aune ni raba nemen ja ñäkebiti.
Blite rubune. Ni iti ñaka tä kukwe kwin nuainne nibätä ye ngwane, ja ñaka tä nemen ruin kwin nie yebätä blitata niken okwä kware ni yebätä (Ef 4:26). Ño nikwe blitai yebätä nikwe ñaka ja ngübaibiti ngwane, ni raba ni mada moto mike ulire (Pr 29:22).
VIDEO Kukwe ñan ni tuenmetre nüne jäme jabe ye ñan nuaindre (oto chi) mika tuare. Kukwe kädriedre nitre ja ükaninkrö yebe:
Käta jäme konkrekasionte ye raba nete jötrö ngwarbe nikän aisete ¿dre nemen gare nie video nebätä, blitata ño nikwe yebätä?
Video nekänti ñokänti kä jäme ye namaninta nitre nekwe ye mä tö mikai gare täte jai ngwane, mä raba video kädekata “Nüne jäme känene aune nankwe jiebti” ye tua.
8. Ja tötika Bibliabätä konkrekasionte
(min. 30) bt cap. 25 párr. 14-21.