16-22 JUNIO
PROVERBIOS 18
Kantiko 90 bätä orasion | Kukwe niedre kena (min. 1)
1. Nitre bren ye mäkwe dimika ja kukwei biti
(min. 10)
Mäta blite ye ngwane, üai deme Jehovakwe ie mä ja jie ngwamana (Pr 18:4; w22.10 22 párr. 17).
Mäkwe ja mika ni ye täte (Pr 18:13; w20.04 15, 16 párr. 6, 7).
Mäkwe ja ketamuko mäkwe ngüba bätärekä aune töi mika nüke gare jai (Pr 18:24; wp23.1-S 14, 15).
KUKWE NE NGWENTARI JAI: “Ti muko bren ye ngwane ¿ti raba dre nuainne dimikakäre?”.
2. Perla ükani känändre
(min. 10)
Pr 18:10. ¿Ngöbö kä kädekadrete ja kriemikakäre ne kwe kukwe blo ñan rabadre bare niebätä ye ai gärätä texto nekwe? (w14 1/11 6 párr. 4).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Pr 18:1-17 (th kukwe ja tötikara 11)
4. Blita kömikakäre
(min. 1) JU JU TE. Ni ye tä blite kukwe madabiti (lmd kukwe ja tötikara 2 punto 5).
5. Ni tuadrebitita
(min. 3) KUKWE DRIEDRE NITRE OKWÄBITI. Mäkwe blitadre jötrö niedre mäi (lmd kukwe ja tötikara 7 punto 4).
6. Ni tuadrebitita
(min. 3) KUKWE DRIEDRE KÄ JÖKRÄ NGWANE. Kukwe metre Gobran Ngöbökwebätä ye mä drie ni ye ie (lmd kukwe ja tötikara 9 punto 5).
7. Dre mikata täte ye driedre
(min. 4) Kukwe bämikadre. ijwfq kukwe 30. Kukwe: ¿Ñobätä nitre testiko Jehovakwe ñaka kruso ngwen jabätä? (lmd kukwe ja tötikara 5 punto 5).
Kantiko 144
8. ‘Nita ja ngwen ño’ yebiti nikwe ni mräkätre dimikai nökrö Jehová ken
(min. 15) Kukwe kädriedre nitre ja ükaninkrö yebe.
Ni iti gare nie abokän ni tö tuai Jehová mike täte ñodre ni muko, monso nikwe o ja ketamuko nikwe abokän käkwe kä mikaninkä konkrekasionte. Mäta ja töi mike niaratre dimike nökröta Jehová ken ¿ye ngwane mäta ñäke tare ie o töi mike ja dibiti? Metrere ni tö namani dimikai akwa nikwe dre niebare ye köböire nikwe töi mikani bäri rubun (Pr 12:18). ¿Dre nuaindre dimikakäre bäri kwin?
1 Pedro 3:1 yete nieta nitre tä ja mäkäninte ye raba muko kwe ñan kukwebätä ye ganainne “ñan kukwe niedi kwe jire yebiti”. Meri testiko iti yebe muko kwe ñan tö rabai blitai Biblia yebätä. Akwa niara tä ja ngwen ño yebiti dimikai kwe Jehová mike gare jai. Akwa ¿nuaindi ño kwe? Rabadre ja ngwen ni kristiano tä ja ngwen ño ye erere, ye abokän rabadre tarere, ja töi mike kwin kräke, ja ngwen töbätä, ye köböire rabai muko kwe brukwä mike jäme (Pr 16:23). Nita ja ngwen kwin aune blite jäme ye köböire nikwe ni mräkä ñan testiko ye töi mikai Jehová mike täte (Col 4:6).
Video Tätre ja di ngwen tödekakrä: Nitre tä ja mäkäninte ni ñan kukwebätä ben ye mikadre tuare. Biti kukwe ne ngwandretari:
¿Dre nemen gare nie meri testiko Sasaki yebätä?
¿Dre nemen gare nie meri testiko Ito yebätä?
¿Dre nemen gare nie meri testiko Okada yebätä?
9. Ja tötika Bibliabätä konkrekasionte
(min. 30) bt cap. 27 párr. 23-26 aune recuadro pág. 214, 217.