20-26 OCTUBRE
ECLESIASTÉS 9, 10
Kantiko 30 bätä orasion | Kukwe niedre kena (min. 1)
1. Kukwe tä ni kisete ye kräke ja töi mikadre debe näre
(min. 10)
Kukwe tä ni kisete ye ñan aibätä, ni käi ñan juto Jehovabätä ye ñan nütüdre (Ec 9:11; w13 15/8 14 párr. 20, 21).
Kä gobrainta Satanakwe nete nikwe nünain käin ye ñaka ngibiadre (Ec 10:7; w19.09 5 párr. 10).
Kukweta ni kisete yebiti ta nikwe kä diandrekä jai jondron bianta nie Jehovakwe ye käin ngwankäre juto jabätä (Ec 9:7, 10; w11-S 15/10 8 párr. 1, 2).
2. Perla ükani känändre
(min. 10)
Ec 9:5. ¿Nita krüte ngwane dre tä nakainkä? (lff kukwe ja tötikara 29 punto 1).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Ecl 10:1-20 (th kukwe ja tötikara 11)
4. Blita kömikakäre
(min. 3) KUKWE DRIEDRE NITRE OKWÄBITI. Blita kömikadre ni iti tä ulire kwrere yebe (lmd kukwe ja tötikara 3 punto 4).
5. Blita kömikakäre
(min. 4) KUKWE DRIEDRE KÄ JÖKRÄ NGWANE. “Kukwe metre tare nikwe abokän ni tö driedi” tä apéndice A tärä Nitre tarere tötikakäre yebätä, yebiti ni iti tä ja töibikaire ngwian ñakare yebätä yebe blitadre (lmd kukwe ja tötikara 4 punto 4).
6. Nitre tötikadre
(min. 5) lff kukwe ja tötikara 17 ¿dre nibi gare mäi? Ngwankäreta törö aune “Mäkwe kukwe ne nuain” (lmd kukwe ja tötikara 12 punto 3).
Kantiko 47
7. Jehová tä ni ketebätä krö kukwe tare näire
(min. 15) Kukwe kädriedre nitre ja ükaninkrö yebe.
Kukwe jene jene ben ja tuata köbö kwatire kwatire. Akwa ruäre tä nemen kri tribe doboko ye kwrere ni kräke aune ye tä ni mike bren ja töi aune ja ngrabarebiti aune ye köböire ni raba kite di nekä ja üairebiti. ¿Dre raba ni dimike neketete krö kukwe tare näire?
Kukwe ño erere ben nikwe ja tuai akwa Jehová ara käkwe ni ketaibätä krö (Is 33:6). Ni di ñan kukwe jökrä kräke tädre gare nie aune nikwe töbikadre debe jabätä ye raba ni dimike tö ngwen bäri Jehovabiti (Pr 11:2). Ni iti tare nikwe gidiandre nikän ngwane, ni aune ni krütani ye mräkätre tä nemen ulire. Nita kä ribe jai töbikakäre aune kukwe kwin nuainkäre ye anbatibe kore ni raba ni mada dimike aune ni raba nementa dite nänkäre ja käne (Ec 4:6).
Bä kabre Jehová tä ni töi mike jäme ja mräkätre konkrekasionte yebiti. Aisete ni dimikata kwetre ye nikwe kadre ngäbiti o ni ara ja di kärädre ietre. Mä tare krubäte ja mräkätrekwe ye ngwen törö jai aune tätre mä töi mike jäme ye käita nemen nuäre bätätre.
Ñäkädre 2 Corintios 4:7-9 yebätä. Kukwe ngwandretari nitre ja ükaninkrö ie:
Ja di ñan nemen kwen nie kukwe ja üaire ye nuainkäre nita ja tuen kukwe tare ben yebätä akwa ¿ñobätä nikwe ja di ngwandre nuainne jankunu?
Video Gary aune Beth Septer: “Nitre brukwä nötaninte ye ken Jehovata” ye mikadre tuare. Kukwe ngwandretari nitre ja ükaninkrö ie:
¿Gary aune Beth ye Jehovakwe dimikani ño?
¿Ja mräkätrekwe niaratre dimikani ño?
¿Dre mada raba nemen gare nie ja mräkätre nebätä?
8. Ja tötika Bibliabätä konkrekasionte
(min. 30) lfb kukwe ja tötikara 28 introducción sección 6 aune kukwe ja tötikara 29.