Jehovakwe ni biani iti ni diantarikrä

29 Ni kena üaire Ngöbökwe sribebare ye namani ni mubai kwrere kräke.

Tare krubäte Ngöbökwe bätä niara ye mikai kwe ni käme ye gainte. Arato nitre ja mike täte ye diaintarita kwe. —Juan 3:16, 36

30 Jehová käkwe monsoi kwe juani ne kwe däredre kwe Kä tibienbätä. Kädekani Jesús. Meye kwe kädeka nämene María.—Lucas 1:30-35

31 Jesús ririabare angwane, jondron kwin krubäte driebare kwe. Jehová ye aibe Ngöbö metre driebare kwe. —Marcos 12:29, 30

Nikwe Jehová ye aibe mikadre täte niebare Jesukwe.—Mateo 4:10; Juan 4:23, 24

Gobran Jehovakwe yebätä diribare kwe nitre yei arato.—Lucas 17:20, 21

32 Jesukwe ni bren mikaninta kwin bätä jondron kwin krubäte nuainbare kwe. Ñakare jondron käme nuainbare kwe. —Hechos 10:38; 1 Pedro 2:21, 22

Akwa, ¿ñokänti ni diantaridre kwe ja mika ngite bätä gata yebätä?

33 Yekäre niarakwe jondron ütiäte biandre Ngöböi, ni kwin ye diantarikrä. Kirabe, Ngöbökwe niebare nitre yei, jondron nire kämikadre kwe ja ngite ye ütiäre. —Hebreos 7:25, 27

34 Jesukwe ñaka jondron ngwarbe nire ye kämikani. Niara arabe käkwe ja biani murie ketadre ni ütiäre. —Mateo 20:28; Hebreos 10:12

¿Ñobätä gare mäi?