¿Mäkwe dre nuaindre?
50 ¿Mä törba nünain kärekäre kä kwin bä nuäre yete?
Angwane mäkwe ja tötika bäri Ngöböta dre niere yebätä. Mäkwe ja di ngwan ñäke Biblia yebätä. —Juan 17:3; Revelación 1:3
51 Mäkwe ja tötika bäri Jesús yebätä. —Deuteronomio 18:18, 19; Juan 3:16; Hechos 3:19-23
52 Mäkwe ja di ngwan kukwe kwin ye aibe nuainne bätä Jehová mike täte. —Romanos 6:17, 18, 22
53 Mäkwe ngwan törö jai, nikwe ñaka ni mada kämikadre nieta Jehovakwe. —Éxodo 20:13; 1 Juan 3:11, 12
54 Jondron ni madakwe ye ni ñaka rabadre denkä kän. —Éxodo 20:15; Efesios 4:28
55 Meri ñaka gure metre ni brare yebe aune ni brare ñaka raba nüne ben bätä küben ben. Raba nuainne akwa meri metre kwe ye aibe ben.—Éxodo 20:14,17; 1 Tesalonicenses 4:3
56 ¿Törö mäi Ngöböta ja mikamana gure meri nibe ben ni brare yei? ¿Kä kwäbe te ni brare raba nüne merirei yebe? —Génesis 2:22, 24; Mateo 19:5, 6; 1 Corintios 7:2, 10, 11
57 Mäkwe ngwan törö jai arato, nikwe Jehová ye aibe mikadre täte Ngöböre jai. —Mateo 4:10; 1 Corintios 8:6
58 Jondron ngwarbe üai mikani ngöböre ye ñaka raba ni dimike. ¿Ñobätä? —1 Corintios 8:4
¿Jondron ngwarbe üai mikani ngöböre ye tädre nikwe? —Deuteronomio 27:15; 1 Juan 5:21
59 Jondron blo sribeta ja kriemikara bätä ja dikrä ye, ¿ñobätä käme nikwe ngwandre jabätä? —Deuteronomio 18:10-13;Revelación 21:8
60 Angele käme o chokalitre ye käkwe ja mikani Ngöbö rüere. Sukiatre yebiti tä nitre ngökö. —Hechos 16:16
61 Nikwe oradre Ngöböi. Oradre ye blitadre Ngöböbe meden gärätä. Nikwe niedre ie ni tö mikai täte bätä ja di kärädre ie. —Filipenses 4:6, 7
62 Nikwe Jesús mikadre täte bätä tö ngwandre niarai.—Hebreos 5:9; Juan 3:16
63 Mäkwe ngwan törö jai niara ja nire biani ni diantarikäre. —Romanos 5:8
64 Mäkwe ngwan törö jai Jesús ye Rei nikwe ñaka raba tuin nie. Nikwe mikadre täte. —Filipenses 2:9-11; Revelación 19:16
65 Jondron kwin bätä mätä ja tötike yebätä mäkwe blitadre ni madabe, niebare Jesukwe. Arato nire tö Ngöbö mikai täte ye käkwe ja ngökadre ñöte. —Mateo 28:19, 20; Juan 4:7-15
66 Ye medenbätä jondron kwin yebätä, mä raba blite ni ja ketamuko mäkwe yebe. —Mateo 10:32
67 Ñäkä rabadre gare kwin täräbätä mäi angwane, jondron mada rükai gare mäi. Yebätä mä rabai ni mada dimike bäri kwin. —2 Timoteo 2:15
68 Arato Ngöbö mikadre täte ye Jesukwe driebare monsotre kiai. Nämene kä denkä jai blitakäre bentre.—Mateo 19:13-15
69 Ngöbö mikadre täte bätä taredre ye käre nitre rüne käkwe driedre monsotre kwe yei. —Deuteronomio 6:6, 7; Proverbios 6:20-22; Efesios 6:4
70 Ju bätäkä ngwarbe tärä kabre känti Ngöbö kukwei kädrieta. Kukwe kwati drieta kwetre ye abokän ñakare Bibliabätä. Nitre meden ñaka Ngöbö kukwei metre driere, kukwe ye nikwe tuanemetre nieta Jehovakwe. —Revelación 18:4; Juan 4:23, 24
71 Nitre tärä Kä tibienbätä Jehovakwe, abokän raba driere bäri mäi niara yebätä. ¿Nire gare mäi? —Hechos 15:14; Romanos 10:14, 15
72 Ye abokän testikotre Jehovakwe. Niaratre nüne jäme jabe kwärikwäri. ¿Ñobätä gare mäi? Ne ñan ñobätä ja tare kwetre kwärikwäri. —Isaías 43:10-12; Juan 13:34, 35
73 Jehová tare kwetre arato, medenbätä ja ngökabare ñöte kwetre. Ne erere tätre mike gare ni kwati okwäbiti, nämene kukwe käme nuainne käne ye namanina ie biti tö nünandi mada Ngöbö mikakäre täte. —Hechos 2:41
74 Nitre testiko Jehovakwe käkwe nünandi kä kwin mrä bä nuäre yete, abokän tätre ngübare.—Salmo 37:9-11, 29
¿Mä raba dre nuainne ne kwe mäkwe nünandre yete bentre? —Santiago 1:22, 25; 2:20-26
75 Niaratre yebe gwaire mäkwe ja tötika Jehová mikakäre täte. Jehová bätä Kristo Jesús ye tare niaratre yekwe bätä tätre mike täte. ¿Tare mäkwe arato? ¿Mä törba ni mada dimikai Ngöbö mike gare jai? —Juan 6:45-47
76 Jehová bätä Kristo Jesús yekwe mä tare, mäkwe nünandre kärekäre kä bä nuäre te ie tö.—Juan 3:16
Kukwe kädrieta bätä bämikaninkä nete abokän bätä mäkwe ja tötikani, ye erametre käkwe mä töi mikani nünanbätä kärekäre Kä tibienbätä. Mä törba ja tötikai bäri kukwe nebätä, aune nun raba ribere mäi, mäkwe blitadre testiko Jehovakwe nünanka mä käibiti yebe. Mä raba tärä tike, o mä raba tikamana jakrä biti juen, nitre testiko Jehovakwe yei. Täräkwata ne arabebätä, kä kobukäre ye känti, kä kädekateta ye känti mä raba juen.