Kantiko 22
‘Jehová kätä ti Ngübare’
(Salmo 23)
1. Jehová kätä ti ngübare
kä jürä ñan tibätä.
Obeja tareta metre kwe,
ñaka mikete kaibe.
Mätä ti kriemike käre
ye kätä ti dimike.
Niara kätä ti jie ngwen käre
kukwe metre yebiti.
Niara kätä ti jie ngwen käre
kukwe metre yebiti.
2. Ngöböta tibe yebätä,
ja ñaka ruin kaibe tie;
ti rüeta nakainkä ye ngwane,
Niarata ti kriemike.
Kukwe kwe tä ti dimike,
ye käi juto tibätä.
Jehová jue yete ti täi käre
Niara töi kwin yebätä.
Jehová jue yete ti täi käre
Niara töi kwin yebätä.
3. Ngöbö Jehová ti tarekä,
ye tikwe käikitaikä;
ni mada ie ti mikai gare,
Niara ye ni ngübaka.
Kukwe Jehovakwe ye metre,
ti mikai täte käre;
Niara kukwei mikadre gare
ye käi juto tibätä.
Niara kukwei mikadre gare
ye käi juto tibätä.
(Sal. 28:9; 80:1; mika raba ñärärä.)