Nändre käre Jehovabe

1. Ni rün ni tarekä yebe,

töi bobrebiti nikwe nändre.

Nitre tä mä mike täte

ye kräke mä töi kwin krubäte.

Ngöbö kukwe ükaninte

ne kwe ja mäkädre ben;

yebätä nita ja denkä

Jehová mikakäre täte.

2. Kä krüte nibira ja ken,

Ngöböta nitre denkä jakri.

Nita ja tuin ni rüe yebe

raba kä jürä ngwen nibätä;

Jehová kätä ni kriemike.

Ni tädre niara ye ken

mikakäre täte käre,

aune tarekäre metre.

3. Ngöbö kätä ni dimike

üai aune kukwe kwe yebiti;

konkrekasion kwe yebiti.

Nikwe nändre käre Jehovabe

kukwe metre ye nuainkäre.

Niarakwe ni dimikai,

töbike kwin niara kwrere;

nikwe tö ngwandre niara ie.