¿Nire abokän Jesús?

Jehovakwe Jesús juani kä tibienbätä (1 Juan 4:9)

Jehovakwe ni kadre ngäbiti gäre, ni rabadre ni ütiäte ye mike täte. Adán sribedre ye känenkri, kirabe Jehovakwe ni üaire dite sribebare kä kwinbiti.

Ye bitikäre, Jehovakwe ni ye juani därere Belén meri jämi ja mike gure kädeka nämene María yebätä. Monso chi ye kädekani Jesús (Juan 6:38).

Jesús nämene nüne kä tibienbätä ye ngwane, Ngöbö töi ño ye bämikani metre kwe. Nämene nitre kain ngäbiti töi kwinbiti, nämene nitre tarere aune ni jökrä nämene blite töi jämebiti ben. Ñan kä jürä ngwani kwe jabätä kukwe metre Jehová yebätä driekäre nitre madai.

Jesús kukwe kwin nuainbare, akwa nitre brukwä namani kräke (1 Pedro 2:21-24)

Jesús nämene nitre bren miketa kwin aune nitre ruäre krütani mikaninta nire kwe.

Nitre ji ngwanka kukwe ngwarbe yebätä nämene kukwe ngwarbe driere aune ja ngwen käme, ye Jesukwe mikani gare metre yebätä nitre ye brukwä namani kräke.

Nitre ji ngwanka kukwe ngwarbe yebätä käkwe nitre romano töi mikani Jesús nuainne tare aune murie kete.