Gobran käkwe Kä tibien jökrä gobraindi

Kä nebera chi gobran käkwe Kä tibien jökrä gobraindi. ¿Gobran meden ye mä törba gai?... Ye abokän Gobran Ngöbökwe. Kä tibien jökrä kwitai bä nuäre kwe nünankäre. ¿Mä törba kukwe mikai gare bäri jai Gobran nebätä?...

Ye kömikakäre, ¿rei ye dre gare mäi? Ye abokän ni gobranka gobran yete meden gärätä. Gobran Ngöbökwe yete rei tärä arato. ¿Nire raba ruin mäi?... ¡Ye Jesús! Niara tä nüne kä kwinbiti, aune gwäune rabai kä jökrä gobraine. Akwa ¿Jesús ye rei kwin? ¿Niarakwe Kä tibien gobrain ye ngwane nikwe nünain kä jutobiti?...

¡Jän ye erere! Kä tibien kwitai bä nuäre ye ngwane, rü ñaka rabaira. ¡Nitre ñaka rabai rüre jire jabe! Ni ñaka rabai bren aune ni ñaka krütai. Nitre ie kä ñaka tuin kä nengwane yei kä rabaita tuin, aune nitre ie ni kukwe ñaka ruin yei ni kukwe rabaita ruin. Nitre ñaka dikekä ye rabai nen aune ja täkete kwin. Nitre jökrä kwe jondron kwin rabai krubäte kwetadre. Jondron nire ye ñaka rabaira rüre jabe kwärikwäri arato, aune ni rabai jadenkä ben. Ne madakäre: nitre kwati krütani ye rükaita nire. Ne kätä mike gare Rebeca, Rahab, David, Elías bätä nitre mada rabaita nüne bobukäre. ¿Mä törba niaratre mikai gare jai?...

Mä tare krubäte Jehovakwe aune tö kä tuai juto mäbätä. Mäkwe niara mika gare jai aune tä dre driere mäi ye mäkwe mika täte. Mäkwe nuaindi angwane, mäkwe nünain kärekäre kä bä nuäre te. ¿Mä törba nünain Kä Bä Nuäre yete?...