KANTIKO 27
Ngöbö monsoitre käkwe gobrandi
Täräkwatare
(Romanos 8:19)
1. Nitre dianinkä käi kitra
nändre Ngöbö ye ken.
Ni jökrä tö niaratre tuai
gobrane Kristo ben.
(BOBUKÄRE)
Monsotre deme Jehovakwe
Jesús ye ben gobrain.
Ja die kri kwetre yebiti
rü bäri kri ganain.
2. Jesukwe nitre deme ye
kärädi jakänti.
Rei dite ye näin nitre ye
ngwena kä kwinbiti.
(BOBUKÄRE)
Monsotre deme Jehovakwe
Jesús ye ben gobrain.
Ja die kri kwetre yebiti
rü bäri kri ganain.
(TRANSICIÓN)
Monsotre ye rü kri ganain
Jesús ye diebiti.
Cordero ben niaratre ye
nünain kä kwinbiti.
(BOBUKÄRE)
Monsotre deme Jehovakwe
Jesús ye ben gobrain.
Ja die kri kwetre yebiti
rü bäri kri ganain.
(Dan. 2:34, 35; 1 Cor. 15:51, 52; 1 Tes. 4:15-17; mika raba ñärärä).