KANTIKO 108
Jehovata ni tarere metre
(Isaías 55:1-3)
1. Rei Jehová ye töi kwin,
tä ja tare bämike nie.
Monso tare kwe juani kwe.
Niara ni kökanintari.
Ngite diainkä kwe nibätä
ni mikakäre nüne kwin.
(BOBUKÄRE)
Ni Rün kri kä kwinbiti
tä ñö kwin bien ñadre nie.
Ja nire ye biain kwe nie.
Ni tare metre kwe.
2. Rei Jehová ye töi kwin
ye mikata tuare kwe nie.
Kürä biani kwe Kristo ie
kukwe käme diankakäre.
Aune niara tö dre dre nuain
ye mikai nemen bare kwe.
(BOBUKÄRE)
Ni Rün kri kä kwinbiti
tä ñö kwin bien ñadre nie.
Ja nire ye biain kwe nie.
Ni tare metre kwe.
3. Rei Jehová ye töi kwin.
Niara kätä ja di bien nie.
Nita ni mada dimike.
Ni tö kukwe driei nitre ie.
Ni rabai ja ngwen metre ie.
Käre ni rabai tare kwe.
(BOBUKÄRE)
Ni Rün kri kä kwinbiti
tä ñö kwin bien ñadre nie.
Ja nire ye biain kwe nie.
Ni tare metre kwe.
(Sal. 33:5; 57:10; Efes. 1:7; mika raba ñärärä).