KUKWE JA TÖTIKARA 02

Nikwe nünain kä jutobiti käbämikata Bibliabätä

Täräkwatare

Nitre jökrä tä ja tuin kukwe tare ben köböite tä nemen ulire, ja töibikaire aune ja tare nike. ¿Kukwe ye erere ben mä tärä ja tuin? Mätä ja tare nike bren kisete o mä mräkä krütani mäkän aune ja känenkäre kukwe ye jökrä ükaite ya mätä ngwentari jai raba ruin nunye. Biblia tä kukwe mike gare ye raba ni töi mike jäme.

1. ¿Kukwe meden kwin käbämikata Bibliabätä?

Ñobätä nita ja tare nike ye Biblia tä mike gare. Ne madakäre, tä kukwe kwin mike gare, ye abokän kukwe tare tä nakainkä ye ñaka nuadi kärekäre, ñakare aune mikai krüte. Kukwe käbämikata Bibliabätä ye raba mä dimike tö ngwen kukwe kwin ie ja känenkäre (mäkwe ñäkä Jeremías 29:11, 12 yebätä). Kukwe käbämikata ye tä ni dimike ja tuin kukweta ni kisete yebe aune ñaka ja töibikaire krubäte, ñakare aune nikwe nünain kä jutobiti kärekäre ye tä mike gare metre nie.

2. ¿Ni rabai nüne ño ja känenkäre nieta Bibliakwe?

Ni ñaka krütadi jire iti mada, ni ñan ja muaidi jire chi mada aune nikwe ñaka ja tare nikai mada ye Biblia tä mike gare (mäkwe ñäkä Apocalipsis 21:4 yebätä). Nünanta bobre, kukwe ñaka kwin nuainta nibätä, bren tare aune gata tä ni ngwen ja tare nike ye ñaka rabaira. Ni rabai nüne kä jutobiti kärekäre kä tibien bä nuäre yete käbämikata Bibliabätä.

3. ¿Mä raba dre nuainne tö ngwankäre kukwe käbämikata Bibliabätä ie?

Nitre kwati tä tö ngwen kukwe kwin ja känenkäre ie, akwa ye rabai bare metre ya ñaka gare ietre. Akwa kukwe käbämikata Bibliabätä yebrä rabai bare metre. Nikwe ja tötikai kwin Bibliabätä ngwane, ni raba tö ngwen kukwe kwin ye ie (Hechos 17:11). Ye köböire, mä raba tö ngwen kukwe kwin ye ie o ño ye rabai gare mäi.

JA TÖTIKE BÄRI NGUSETA

Nünandi ño ja känenkäre nieta Bibliakwe ye ani mike gare jai. Aune ye tä nitre dimike ño kä nengwane ye ani mike gare jai arato.

Üai jatäri: nitre tä ja tare nike kä nengwane aune nünain ño ja känenkäre drieta Bibliakwe ye üai tä mikani. Üai ye arabe tä mikani ngosori.

4. Nünandi kärekäre aune ñaka ja tare nikai käbämikata Bibliabätä

Kukwe käbämikata tä mikani jatäri nete ye ani mike ñärärä. ¿Meden nibi tuin kwin mäi aune ñobätä?

Ñäkädre textobätä aune kukwe ne kädriedre jabe:

¿Texto ne raba mä dimike raba ruin mäi? ¿Raba mä mräkä o ja ketamuko mäkwe ye dimike ruin mäi?

Nünandi ne erere ye bämike ja okwäte.

NI ÑAKA RABAI...	NIKWE...
ja tare nike, nemen umbre aune krüte (Isaías 25:8).	ni mräkä krütanina nikän ye tuaita aune rabai nünenta kä tibienbätä (Juan 5:28, 29, TNM).
ja tare nike bren kisete o kukwe tare mada yebätä (Isaías 33:24; 35:5, 6).	nünain kwin ja ngrabarebiti aune ni rabaita dite monso bati erere (Job 33:25).
ja tare nike ni nuainta tare yebätä (Isaías 32:16, 17).	nünandi ju kwin te, sribi kwin rabai nikwe aune mrö rabai ere ni kräke (Isaías 65:21, 22; Salmo 72:16).
ja tare nike rü köböite (Salmo 46:9).	nünandi kä jäme te (Salmo 37:11).
ja tare nike kukwe nakaninkä o töbika ñaka metre jabätä yebätä (Isaías 65:17).	nünain kärekäre aune kwin (Salmo 37:29).

Monso nämäne bren, akwa nengwane tä kwin aune tä kise kite meye kwe ngärä.

Ni iti nämäne umbre, akwa nengwane tä bati aune jondron tä caretillate ye tä ngwen.

5. Kukwe käbämikata Bibliabätä ye raba ni dimike nüne bäri kwin

Kukweta nakainkä käbiti tibien yebätä nitre kwati tä nemen romon o tä ja di ngwen nekä. Ruäre abokän tä ja di ngwen krubäte ne kwe kukwe ye ñaka rakadrekä. Ni rabai nüne bäri kwin käbämikata Bibliabätä ye niena nitre kwati dimike ye mike ñärärä. VIDEO mikadre ñärärä, biti kukwe ne kädriedre jabe:

VIDEO: Kukwe ñaka kwin nuain nämä ni madabätä ye ti tö nämä ükaite (4:07)

Üai video “Kukwe ñaka kwin nuain nämä ni madabätä ye ti tö nämä ükaite” yebätä. 1. Rafika nämäne monsore ngwane, nämäne algodón ükökrö nitre kwata ja erebe ben yebe. 2. Rafika janamane kena gätä kri nitre testiko Jehovakwe yebätä. Nitre kwata jene jene nämäne keteitibe gätä kri yebätä ye käkwe töi mikani niä.

¿Dre ñan nämäne tuin kwin Rafika ie?
Kukwe blo ye ñaka nianinkä, ¿akwa Biblia käkwe niara dimikani ño?

Nikwe tö ngwain kukwe käbämikata ie ngwane, ni ñaka di riaikä, ñakare aune kä rabai juto nibätä kukwe ño ño tädre ni kisete yebiti ta. Ñäkädre Proverbios 17:22 aune Romanos 12:12 yebätä aune kukwe ne kädriedre jabe:

¿Nengwane kukwe käbämikata Bibliabätä ye raba mä dimike nüne bäri kwin raba ruin mäi? ¿Ñobätä raba ruin mäi?

NITRE RUÄRE TÄ KUKWE NE NIERE: “Kukwe käbämikata Bibliabätä ye kwin bäkänä, akwa ñan raba nemen bare”.

Kukwe käbämikata Bibliabätä ye metre ya, ¿ye ñobätä nikwe mikadre gare kwin jai raba ruin mäi?

¿DRE NIBI GARE MÄI?

Nüna rabai kä jutobiti ye käbämikata Bibliabätä. Kukwe ye tä ni töi mike jäme aune tä ni dimike nüne kwin nengwane.

Ngwankäreta törö

Biblia tä kukwe kwin käbämike, ¿ye ñobätä rabadre gare nitre ie?
¿Nüna rabai ño ja känenkäre nieta Bibliabätä?
Mäkwe tö ngwandre kukwe kwin ie, ¿ye ñobätä raba mä dimike nüne kwin nengwane?

Kukwe ja tötikara ne miri krüte:

Mäkwe kukwe ne nuain

Kukwe kwin käbämikata rabadre mä töite yekäre, mäkwe ñäkäta texto jökrä yebätä.

Kukwe mada:

Kukwe mada

KUKWE MIKE GARE BÄRI JAI

Mätä ja tuin kukwe tare ben ngwane, tö ngwan ye raba mä dimike ño ye mike gare jai.

“Tö ngwan, ¿ye raba kwen medente nie?” (Ni Mikaka Ngwäte, 22 abril 2004)

Tö ngwan ye tä nitre tä ja tare nike bren kisete dimike ño ye mike gare jai.

“Nita ja tare nike bren kisete ngwane, ¿Biblia raba ni dimike?” (Artículo jw.org)

Video musikal ne mike ñärärä aune kä bä nuäre yete mä täi nüne kä jutobiti mä mräkäbe ye bämike ja töite.

Bämike ja töite (3:37)

Ni iti tö nämäne kukwe jökrä ükaite ie kukwe käbämikata Bibliabätä namani gare ye käkwe töi kwitani ño yebätä mäkwe ñäkä.

“Ti töi ñaka niena kukwe kä jökräbiti tibien ye ükatebätä” (Ni Mikaka Mokre, 1 julio 2013)