Kä jürä ganainne

Jesukwe nuainbare ño

VIDEO: Jesús kukwe driebare Zaqueo ie

1. VIDEO mike ñärärä o ñäke Lucas 19:​1-7 yebätä. Biti kukwe ngwantarita nebätä töbiketari:

1. ¿Ñobätä nitre ruäre ñan tö nämäne ja ketai Zaqueo ben?

2. Akwa yebiti ta, ¿dre käkwe Jesús töi mikani kukwe driere ie?

Jesús kukwe kwin bämikani, ¿ye tä dre driere nie?

2. Ni rabadre kä jürä ganainne kukwe metre driekäre ni jökrä ie.

Ja ngwen Jesús erere

3. Tö ngwen Jehovai. Üai deme Jehovakwe ye käkwe Jesús dimikani kukwe driere, ye erere arato raba ja di bien mäi kukwe driekäre (Mat. 10:​19, 20; Luc. 4:18). Ja di kärere Jehovai kä jürä ganainkäre aune blitakäre nitre jüräta nemen mäbätä ye ben (Hech. 4:29).

4. Ñaka ni kitate. Ni bä ño, ngwian bökäne, nüne ño aune tä kukwe ño mike täte yebätä ñan tä nemen nuäre ni kräke blitakäre ben. Akwa ne ngwen törö jai:

1. Ni brukwä ño ye gare kwin Jehovai aune Jesús ie, akwa nie ñakare.

2. Ni ño erere ño, akwa yebiti ta Jehová raba dimike.

5. Ja ngwen dite aune töbätä arato (Mat. 10:16). Nitre mike ütiäte jai aune ñan ñäke ben jai. Ni iti ñaka tö rabadre mä kukwe nuai o ja ñan rabadre ruin jäme mäi ngwane, mäkwe blita mikadre krüte töi kwinbiti (Prov. 17:14).