Kukwe Ngöbökwe tä driere

¿Ñobätä ni kristiano tä ja ngökö ñöte?

Kukwe ruäre mätä ngwentari jai ye mikata gare Biblia mäkwe yebätä. Mä törba angwane nitre testiko Jehovakwe raba kukwe ye mike gare mäi.

1. ¿Ni kristiano tä ja ngökö ñöte dre bämikakäre?

Ja ngökata ñöte yebiti nita ribere Ngöböi ni tö ja mäkäi kwin ben. Ye medenbätä, ni kristiano ñaka tä ja ngökö ñöte tädre chi ye ngwane, ñakare aune, Ngöbö rabadrera gare ie, aune rabadrera juto nänkäre Jesús jiebiti ye ngwane nuaindre kwe (Hechos 8:12; 1 Pedro 3:21). Nänkäre Jesús jiebiti yekäre kukwe meden biani nuaindre kwe yebätä ja kitadre aune erere nuaindre. (Mäkwe ñäkä Mateo 28:19, 20 yebätä.)

Nitre apóstol näire ni kwati käkwe ja töi mikani Ngöbö aune Jesús mike gare bäri jai. Ye erere ni mada käkwe nuainbare, Jesús murie ketani ye köböire niara rabai dianintari ye nükani gare ie angwane, ja mikani kwe ja tötikaka Jesukwe. Kä nengwane, ni kwati tä ja töi mike nuainne ye erere arato. (Mäkwe ñäkä Hechos 8:26-31, 35-38 yebätä.)

2. ¿Ñobätä Jesukwe ja ngökani ñöte?

Kä namanina 30 Jesubiti angwane Juan Bautista käkwe ngökani ñö Jordán yete. Niarakwe ja ngökani ñöte bämikakäre töi nämene kwatibe Ngöbö töi ye nuainkäre (Hebreos 10:7). Niarakwe ja ngökani ñöte yebiti mikani gare kwe, nämene juto biare ja nire biankäre ngite nikwe ütiäre. Niara nämene Rün tarere aune kukwei mike täte ye bämikani kwe jämi nüke Kä tibienbätä ye känenkri. (Mäkwe ñäkä Marcos 1:9-11 bätä Juan 8:29; 17:5 yebätä.)

3. ¿Ñobätä ni kristiano tä ja ngökö ñöte?

Ni ñaka töi metre Jesús erere, ñobätä ñan aune, ni abokän därebare ngite. Akwa, Jesukwe ja biani murie ketadre ye köböire ni raba ja mäke kwin Ngöböbe (Romanos 5:10, 12; 12:1, 2). Arato, ni raba nemen niaratre mräkä ngätäite arato (2 Corintios 6:18). ¿Nikwe dre nuaindre ne kwe kukwe kwin ye rabadre nikwe? Nikwe ja kukwei kitadrekä Jehovai orasion yebiti, mikakäre gare ie niara töi ño ye nikwe nuaindi käre. Nikwe oradre ye bitikäre ja ngökadre ñöte mikakäre gare ni jökrä ie, nita ja denkä mento Ngöbö kräke. (Mäkwe ñäkä Mateo 16:24 bätä 1 Pedro 4:2 yebätä.)

4. ¿Mäkwe dre nuaindre ja ngökakäre ñöte?

Nire nire tö rökrai Ngöbö ken ye nitre testiko Jehovakwe tä tötike Bibliabätä. Mäkwe ja tötikai Bibliabätä aune ja ükaikrö gätäbätä ye käkwe mä dimikai Ngöbö tarere aune tödeka mäkwe ye rabai dite arato. Mäkwe ja ngwain kwin aune mäkwe kukwe kwin nuaindi. Mä rabai Jehová tarere aune tödeke ie ye käkwe mä dimikai niara mike täte käre, mäkwe ja kukwei kitaninkä ie ye ererebätä. (Mäkwe ñäkä Juan 17:3 bätä Hebreos 10:24, 25 yebätä.)

Mä törba kukwe mikai gare bäri jai angwane mäkwe ñäkä kapitulo 18 tärä ¿Dre drieta erametre Bibliakwe? yebätä.