Watchtower TÄRÄ JÖKRÄ INTERNETE
Watchtower
TÄRÄ JÖKRÄ INTERNETE
ngäbere
Ü
  • Ä
  • ä
  • Ö
  • ö
  • Ü
  • ü
  • Ñ
  • ñ
  • BIBLIA
  • TÄRÄ
  • GÄTÄ
  • w15 1/6 págs. 6-7
  • Nitre ja tötikaka krikri ñaka raba kukwe mike gare täte

Video ñaka kukwe ne kräke.

Video ne mika ñaka raba ñärärä gwäune.

  • Nitre ja tötikaka krikri ñaka raba kukwe mike gare täte
  • Ni Mikaka Mokre tä Gobran Jehovakwe mike gare 2015
  • Kukwe ja erebe
  • Ja tötikata ye köböire dre namanina gare
    Ni Mikaka Mokre tä Gobran Jehovakwe mike gare 2015
Ni Mikaka Mokre tä Gobran Jehovakwe mike gare 2015
w15 1/6 págs. 6-7
Meri ja tötikaka tä laboratorio yete

KUKWE TÄRÄ KWATABÄTÄ: JA TÖTIKATA: ¿YE BÄRI KUKWE METRE BIBLIA YE KRÄKE?

Nitre ja tötikaka krikri ñaka raba kukwe mike gare täte

Nitre kräke Ngöbö ñaka yekwe tärä keta kabre sribebare bitinkä abokänbätä niaratre töita ño ye tikabare kwetre. Nitre kwati ie tärä ye nemen tuin ütiäte akwa nitre mada abokän tä ja kwete kukwe yebätä. Neurólogo David Eagleman kukwe ne niebare tärä yebätä: “Nitre ja tötikaka krikri yekwe kukwe jökrä mikanina gare nieta ye tä nitre ñäkäkä tärä yebätä ye töi mike ñan krütare”. Akwa niara arabe tä niere: “Nitre ja tötikaka krikri töi bökän ye tätre kukwe mike gare bäri jai, aune tätre ja tötike kukwe mrä mrä mikakäre gare jai”.

Ni ja tötikaka mukebätä tä nikren telescopio yete

Mekera nükebe kä nengwane, nitre brare aune merire töbätä tätre ja tötike krubäte yei kukwe keta kabre kwaninantari. Akwa ni ngökabarera kwetre arato. Ñodre, Isaac Newton, ni ja tötikaka kri töbätä nieta, yekwe mikani gare, gravedad ye tä planeta, muke aune galaxia ye ükete kwin jatäri. Ne madakäre, kukwe keteiti mikani gare kwe matemática yebätä, ye kädekata cálculo, ye köböire jondron sribeta computadora yebiti, nitre tä näin ru kwinta yete aune ja tötikata física nuclear yebätä. Akwa, kukwe ñaka metre ye Newton nämene mike era jai arato, ñodre, plomo ye kwitadre orore sukiatre tätre jondron nuainne ye erere aune ja tötikadre mukebätä ye köböire.

Kä 1,500 biti bäri Newton känenkri, ni griego ja tötikaka mukebätä kädeka nämene Tolomeo nämene jondron kä kwinbiti mike ñärärä kukwe mikakäre garebätä. Aune planeta nämene näin ño jatäri ye mika nämene ñärärä kwe aune mapa sribebare kwin krubäte kwe. Akwa, kä tibien ye nämene kä te ruäre nütü nämene kwe. Ni astrofísico Carl Sagan käkwe kukwe ne niebare Tolomeo yebätä: “Kä tibien tä kä te ruäre driebare kwe ye nitre mikani era jai kä 1,500 te, ye tä mike gare nie, ni töbätä krubäte akwa ñaka raba kukwe mike gare metre”.

Meri ja tötikaka tä ñäke Bibliabätä

Kä nengwane, nitre ja tötikaka krikri yebätä kukwe ye erere nemen bare. Nitre ja tötikaka krikri käkwe kukwe keta kabre mikanina gare ni raba niere, akwa ñaka raba kukwe mike gare täte ye gare nie arato. ¿Jondron kä kwinbiti aune kä tibienbätä yebätä kukwe rabai gare jökrä nie? Ni físico kä Paul Davies niebare: “Jondron kä kwinbiti aune kä tibienbätä ye jökräbätä kukwe mikadre gare aune tä ükaninte ño ye niedre jökrä ye erere ñan raba nemen”. Kukwe ye tä kukwe metre mike gare nie: jondron tä ni bäre yebätä kukwe ñaka rabai gare jökrä nie. Ye medenbätä, nitre ruäre niedre, nitre ja tötikaka krikri ye raba kukwe jökrä mike gare, akwa kukwe ye jökrä metre ye ni ñaka raba nütüre.

Biblia tä kukwe kwin driere ye erere nitre ja tötikaka krikri ñaka raba mike gare jire

Jondron jökrä käbiti tibien yebätä Biblia tä kukwe ne niere: “Ye abokän jondron nuainta chi kwe, ¡kukwe mikata gare chi niarabätä!” (Job 26:14). Kukwe keta kabre tärä akwa ñaka raba nüke gare jökrä nie. Kä nikanina 2,000 ta bäsi, yete apóstol Pablo kukwe tikabare ye täbe ütiäte: “¡Jo! Ngöbö abra kwe jändrän kuinkuin tärä kabre krübäte nikrä, amne Ngöbö abra töbtä kri krübäte, käkwe jändrän kuinkuin mikanintbe ja töi jenbti ni kräke. Ye aisete Ngöböta töbike ño ño, ye ni ñan raba niere jire chi amne Ngöbö töi ji mdenbtä ye ni ñakare jire iti ie rabadre gare” (Romanos 11:33).

Nitre ja tötikaka krikri ñaka kukwe kwin ne niere

Jondron ni bäre tibien ye tä ükaninte ño ye nitre ja tötikaka krikri tä mike gare, akwa Biblia abokän tä kukwe kwin mike gare nie kätä ni dimike ja mäke kwin nitre madabe aune nüne kä jutobiti. Ani kukwe ye mike gare ruäre jai.

  • Kise mikata kukwe ñäkäikäre

    Ñaka ni mada murie ketadre

    Mäkwe ja nire mika tuin ütiäte jai

    “Mäkwe ñaka ni mada murie keta.” (Éxodo 20:13.)

    “Nire nire tä bätä ngwen mräkäbtä, ni ye abko ni kämikaka.” (1 Juan 3:15.)

    Mäkwe nüna jäme ni madabe

    “Kä mikete kukwe käme yebätä, aune mäkwe kukwe kwin nuain; mäkwe kä jäme ye känä, aune mäkwe nän jankunu jiebiti.” (Salmo 34:14.)

    “Amne ni nünanka jäme, käta ni mda mda die mike nüne jäme, ni ye abko tä nüne metre Ngöbö ngwärekri.” (Santiago 3:18.)

    Mäkwe ja brukwä mika ni mada nuainta tare ye kräke

    “Jehová ara kätä ni töi kwin bätä ni töi käme ye miketari ñärärä kwin, bätä erametre Niara brukwä nitre töi ni mada nuainbätä tare ye kräke.” (Salmo 11:5.)

    “Mäkwe ñaka bätä ngwan nitre töi ni mada nuainbätä tare yebätä, ñaka ji kwetre ye dian jire chi jai. Ñobätä ñan aune ni ni ngökö ye käme krubäte Jehová kräke.” (Proverbios 3:31, 32.)

  • Nitre ja mräkäre

    Nünandre kä jutobiti ni mräkäbe

    Mäkwe mä rün aune mä meye mika täte

    “Mun ngäbäkrere, mun ye abko ni Dänkienkwe, aisete munkwe mun rün btä mun meye kukwei mika täte, ñobtä ñan angwane ye abko kuin ni Dänkien okwäbti. Ngöbökwe ja kukwei ne biani Moiséye nuendre ngäbäkreye, ben gwaire jändrän bäri ütiäte köböi mikani käne kwe abko krörö: Munkwe nünandre jäme amne munkwe nünandre raire kä temen nebtä, abkokäre munkwe mun rün btä mun meye mika ütiäte jae.” (Efesios 6:1-3.)

    Mäkwe monsotre mäkwe tötika

    “Mun ngäbäkre rünre rünre abko käkwe ñan ngäbäkre munkwe moto mika romon kukwe bätäkä ngwarbe btä, akwa munkwe ngäbäkre munkwe töi tikadre amne munkwe ji kuin Ngöbökwe mikadre gare ño ietre abko ie ni Dänkien tö, ye kwrere munkwe nuen.” (Efesios 6:4.)

    “Mun ngäbäkre rünre abko käkwe ñan ngra ngra ngäbäkrebti, niaratre moto mikakäre ulire dikaro.” (Colosenses 3:21.)

    Mäkwe mä muko taredre aune mika ütiäte jai

    “Mun itire itire käta ja tarere au, ye kwrere jire munkwe meri munkwe tare amne, mun merire merire abko käkwe ni brare munkwe mika ütiäte jae.” (Efesios 5:33.)

  • Kri

    Kä tibien ngübadre kwin

    Nire tä Kä tibien juen ngwarbe yei Biblia tä kukwe ne niere: “Nitre tä kä tibien ye juen ngwarbe [...], aune nitre nünanka kä tibienbätä ye ngite” (Isaías 24:5, 6). Nitre tä kä tibien juen ngwarbe yebe Ngöbökwe kukwe ükaite. “Nire nire käta kä temen ne juen ngwarbe abko makwe juandi ngwarbe arato.” (Apocalipsis 11:18.) Nitre ye ñaka kwäräbedi jire.

    Tärä aune täräkwata ngäbere (2006-2025)
    Sesión dikadre
    Sesión kömikadre
    • ngäbere
    • Juandre
    • Mäkwe ükate jai
    • Copyright © 2025 Watch Tower Bible and Tract Society of Pennsylvania
    • Condiciones de uso
    • Política de privacidad
    • Configuración de privacidad
    • JW.ORG
    • Sesión kömikadre
    Juandre