Täräkwata ne driedre ño

Ni Mikaka Mokre 1 mayo

“Mä tärä miketari ñärärä kä nengwane kukwe tare tä nakainkä bäri kä jökräbiti tibien? Nitre kwati tä nütüre Ngöbö kätä ja ngie ngwen nibiti. ¿Mä abokän tä töbike ño? [Mäkwe tuanmetre blite, biti mäkwe ñäkä 1 Juan 4:⁠8 yebätä.] Ngöbö ni tarekä, yebätä ñakare niara köböite kukwe tare tä nakainkä kä jökräbiti tibien. Täräkwata ne kätä kukwe mike gare bäri.” Kukwe kädrieta página 30 ye mäkwe mika tuare.

¡Despertad! Mayo

Mäkwe ñäkä Mateo 6:​10 yebätä, ye bitikäre mäkwe ngwantari: “¿Ngöbö tö dre dre ie ye nuainta kä nebätä mä raba niere? ¿Ngöbö töita ño ni kä nebätä kräke?”. [Mäkwe tuanmetre blite.] Angwane mäkwe niedre: “Ngöbö töi namani ño kena kä tibien nekrä ye abokän ñaka käi kwitaninkä jabiti kwe, aune niara tönamani drei ye mikata gare nete.” Kukwe kädrieta página 10 ye mäkwe mika tuare.

Ni Mikaka Mokre 1 junio

“Kukwe namani bare kirabe Noebätä bätä ñü kri näkäni tibien ye kukwei kädrieta bäri krubäte Bibliabätä. Akwa ¿kukwe ye namani bare erametre? [Mäkwe tuanmetre blite.] Ñü kri näkäni tibien ye kukwe namani bare metre kwrerebätä Jesukwe blitabare ye kätä ti ngwen töbike krubäte [mäkwe ñäkä Lucas 17:​26, 27 yebätä]. Aune kukwe kira namani bare ye abokän erametre bätä kukwe meden ütiäte ja tökrä ye mikata gare täräkwata nebätä.”

¡Despertad! Junio

“Monso ngübadre ye abokän sribi kri krubäte, ¿ñan ererea? Akwa tä kite nikwite ja käibiti ye ngwane bäri. ¿Medente ni raba kukwe kwin metre känene? [Mäkwe tuanmetre blite. Yebiti, mäkwe ñäkä Isaías 48:​17, 18 yebätä.] Täräkwata ne kätä mike gare kukwe meden kwin, bätä ño ni rüne aune meyere raba kukwe ye nuainne tä monso ngübäre ye ngwane. Bätä tä kukwe mrä sribi kri yebätä ye mike gare arato.”