Nitre Gobran Ngöbökwe kukwei mikaka gare
Tare nunkwe:
Sribibare kä 2008 nete munkwe Gobran Ngöbökwe ye nurai nökani bätä ñö metaninka biti. Yebätä, Jehová kätä ni mike nirien kwati krubäte (1 Cor. 3:5-7).
Ñodre ne erere namani bare kä América Central ye känti, kukwe drieta ye köböire sribi keta kabre nuainta Ngöbökrä ye niriabare bäri ere jatäri. Ne madakäre, Jesús krütani Ngwaninta Törö jai kä känente ye ngwane, nitre 398,802 kwani gätä yebätä. Sö yebätä, nitre käkwe ja töimikani kukwe driere ja dibiti ye köböire ne namani bare.
Ñodre ne erere namani bare Nicaragua kä ruäre känti kukwe drie ñaka käre yekänti. Kä yekänti nitre nibu janamene mräkätre kwetre jökrä ben ni prekursor especial gure mukore Jesús krütani ye ngwankäre törö jai. Nämenentre nitre 100 näre ngübare gätäbätä, akwa kä namani juto krubäte bätätre nitre jökrä bäsi kä yekänti janamene yebätä, ye ngätäite nitre católicos ji ngwanka käne bätä nitre evangélicos janamene arato, nitre jökrä 400 täte.
Ne madakäre, täräkwata La Atalaya ja tötikakäre ye kwitani bätä sö enero kä 2009 yete ja känenkäre gätä nuainta nikwe ye kwitai mikani gare ye käi juto krubäte nibätä. Gare metre nie täräkwata kwitai bätä gätä kwitai nebiti Jehovakwe kukwe kwin krubäte mikai nemen bare.
Sribi Ngöbökwe nuaindi kä 2009 ye kömikai angwane, mun erere arato nun tö kärädi Jehovái ne kwe ni “mikadre nirien kwe”.
Mun mräkätre,
Sucursales de América Central