¿Ni raba kukwe driere bäri?
1. ¿Ñobätä kukwe driedre bäri jötrö ngwarbe?
1 Nitre kwati tö namani kukwe kwin gobran Ngöbökwe yebätä mikai gare jai, ye medenbätä Jesukwe niebare nitre ja tötikaka ben yei “Ngöbö käkwe sribikä mda mda juandre [...] munkwe ribe ie” (Mat. 9:37, 38 Kukwe Kuin Ngöbökwe). Nura ükakröta mrä näire nita nüne, ye medenbätä nikwe sribidre bäri jötrö ngwarbe. Akwa yekrä ni rabadre töbike bätä orare Ngöböi sribi ye nuainkäre bäri (Juan 14:13, 14).
2. Nitre nübaita kukwe driekäre, ¿ye ja mräkätre ruäre käkwe kani ngäbiti ño?
2 Kukwe drieta bäri. Jehová diebiti ja mräkätre kwati käkwe sribi prekursor ye nuainbare (Sal. 26:2, 3; Fili. 4:6). Ja mräkätre ruäre käkwe ja di ngwani arato sribi prekursor ausiliar ye nuainne sö krati o bäri kä kwati te, yebiti niaratre käkwe kukwe driebare bäri. Niaratre yebätä kä namani juto krubäte ye medenbätä töi namani sribi prekursor regular nuainkäre (Hech. 20:35).
3. Mäkwe sribi prekursor ye nuainbare ngwane, ¿drebätä mä raba ja töi miketa?
3 ¿Mä raba sribi prekursor ye nuainenta? Mäkwe sribi prekursor ye nuainbarera ngwane, kukwe kwin namani bare ye tä törö mäi. Mä raba sribi prekursor nuainenta, ¿yebätä mäkwe töibikabarera aune mikanina gare Jehovai? Kukwe käkwe mä töi mikani sribi tuenmetre ye ñaka niena mä kisete angwane, mä raba ja töimike sribi ütiäte ye nuainenta (1 Juan 5:14, 15).
4. ¿Ni jökrä raba ja töimike dre nuainne?
4 Nura ükakröta bäri krubäte aune gwäune krütai (Juan 4:35, 36). Ni jökrä rabadre töbike sribire bäri Jehovakrä, ni di rabadre nuainkäre ye ererebätä. Ñaka raba nuäre nuaindre nikrä ngwane, nikwe ja di ngwandre kukwe driere bäri kwin (Mar. 12:41-44.) Raba nemen bare mäi ngwane, mäkwe ja mika Jehová kisete ne kwe mä dimikadre kwe prekursor ye nuainkäre. ¡Mäkwe ñaka sribi ütiäte ye juan ja bäre! (Sal. 110:3.)