Täräkwata driedre ño

Ni Mikaka Mokre 1 Septiembre

“Génesis kätä kukwe niere Adán bätä Eva yebätä ye ñaka tuin metre nitre kwati ie, akwa nitre ruäre tä kukwe ye mike metre jai. ¿Mä abokän töita ño? [Mäkwe tuanmetre blite.] Jesukwe blitabare Adán bätä Eva yebätä [ñäkä Marcos 10:​6-9 yebätä]. Adán bätä Eva käkwe nünanbare metrere aune ñobätä nikwe kukwe ye mikadre era jai, täräkwata ne kätä mike gare”. Kukwe nieta página 12 känti ye mäkwe mika tuare.

¡Despertad! Septiembre

“Ñäkä 1 Juan 4:8 yebätä. Nitre ruäre kätä niere Ngöbö tä nitre käme ye ngwen ja tare nike kä ñukwäre te. Akwa nitre ruäre abokän tä töbike, kukwe nieta texto nebätä ye kätä mike gare Ngöbö ñaka nitre ngwen ja tare nike kä ñukwäre te. Kukwe nebätä nitre kätä töbike jene jene, ¿mä abokän tä töbike ño? [Mäkwe tuanmetre blite.] Biblia kätä dre driere kukwe yebätä ye kädrieta täräkwata nebätä”. Kukwe nieta página 10 känti ye mäkwe mika tuare.

Ni Mikaka Mokre 1 Octubre

“Kä ne ngwane ni ñaka iti jire raba kwärbere kukwe tare yebätä, ¿ñan ererea? [Kukwe meden nakainkä ni käite ye mäkwe kädekate.] ¿Ngöbökwe dre biain nie ja tuakäre kukwe yebe? [Mäkwe tuanmetre blite.] Jesús käkwe mikani gare texto nebätä [ñäkä Lucas 11:13 yebätä]. ¿Dre abokän üai deme, aune tä ni dimike ño? Kukwe ye mikata gare täräkwata nebätä.”

¡Despertad! Octubre

“Kä ne ngwane nitre ja mräkäre tä ja tuin kukwe keta kabre ben. Medente nitre ja mräkäre ie kukwe raba kwen ja di mikakäre. [Mäkwe tuanmetre blite. Biti ñäkä Salmo 32:8 yebätä.] Kukwe keta kabre dianinkä Bibliabätä mikata gare täräkwata ¡Despertad! nebätä abokän sribebare nitre ja mräkäre kräke ye nitre ja mräkäre käkwe mikadre täte angwane kukwe ye raba dimike.”