Kukwe Ngwantarita

◼ ¿Kukwe drieta ye ñäkäidre nie angwane nikwe dre nuaindre?

Ja mräkätre kätä kukwe driere ye guardia ruäre kätä ñäkäire ietre, ñobätä ñan angwane, tätre nemen nütüre kukwe ükaninte gobrankwe ye ñaka mikata täte ja mräkätre yekwe. Kukwe ne erere rabadre bare angwane, nikwe niaratre kukwei mikadre täte aune nikwe kä mikadrekä bengwairebe kukwe drieta nikwe yekänti (Mat. 5:41; Fili. 4:5). Nikwe ñaka ja töi mikadre kukwe ye ükete akwle o ñaka ñäkädre ben jai, raba aune mäkwe numero guardiakwe bätä numero obisina känti tätre sribire ye mäkwe kärä ie, akwa mäkwe nuain ja töi jämebiti. Yebiti mäkwe mika gare bengwairebe nitre umbre yei, niaratre käkwe mikai gare sukursal yei. Ye erere arato, nitre kädekani ju krikri mente kwin ngübabitikä ye käkwe kä mikekä niedre mäi, angwane mäkwe nuain jötrö ngwarbe aune mäkwe nie nitre umbre yei. Nikwe ja töi mikadre jäme nitre gobranka yebe ye käkwe ñaka ni mikai ja mike kukwe krite (Pro. 15:1; Rom. 12:18).