Täräkwata driedre ño

La Atalaya 1 Enero

“¿Ni jökrä käkwe kukwe ne nuaindre angwane raba nüne kwin jabe kwärikwäri raba ruin mäi? [Ñäkä Romanos 12:18 yebätä. Biti mäkwe tuanmetre blite.] Ñobätä Ngöbö nämene kirabe juta kwe ye juen rüre ye nitre kwati tä ngwentari jai. Biblia kätä kukwe ye mike gare täräkwata nebätä.” Kukwe nieta página 13 känti ye mäkwe mika tuare.

¡Despertad! Enero

Ñäkä Hechos 17:31a yebätä. Biti mäkwe kukwe ne nie: “Köbö Jehovakwe kukwe ükatekäre ye kukwe nuata nitre madakwe angwane kä jürätä nemen nitre yebätä ¿Mä abokän tä töbike ño? [Mäkwe tuanmetre blite.] Biblia kätä driere köbö Jehovakwe kukwe ükatekäre ye jatai kukwe kwin ngwena Kä tibienbätä, ye mikata gare täräkwata nebätä”. Kukwe nieta página 10 känti ye mäkwe mika tuare.

Ni Mikaka Mokre 1 Febrero

“Nitre kwati tä niere krütai angwane näin kä kwinbiti. ¿Ne erere raba ruin mäi? [Mäkwe tuanmetre blite]. Nitre töi kwin ye käkwe nünain medente ye ti tönibi mikai gare mäi Bibliabätä [Ñäkä Salmo 37:29 yebätä]. Nire nire näin kä kwinbiti aune dre nuaindi kwetre ye täräkwata ne kätä mike gare.”

¡Despertad! Febrero

“Nitre gure kätä ja tuenmetre, ye ñaka niena tuin käme kä nengwane. Ja tuanmetreta ye ngwane kukwe meden raba nemen bare yebätä nitre gure käkwe töbikadre kwin käne ¿ñan ererea? [Mäkwe tuanmetre blite. Biti ñäkä Proverbios 14:15 yebätä]. Kukwe ketabäkä abokän nitre gure rabadre nuainne jämi ja tuenmetre ye känenkri ye täräkwata ne kätä mike gare.”