Biblia raba mä töi kwite

Biblia ye köböire nitre kwati kä jökräbiti tibien niena ja ngwen kwin. ¿Kukwe meden Bibliabätä raba ni dimike ja tuin kukwe tare tä nakainkä nibätä kä nengwane yebe? Kukwe ye mikakäre gare nunta mun nübaire video ketebu kädekata La Biblia: el poder que ejerce en su vida ye tuin; video ye tä mikani DVD kädekata La Biblia: libro de hechos y profecías yete. Ye bitikäre kukwe ngwantarita jatäri nete ye mikadre gare:

1) ¿Ñobätä Biblia ye ñaka ja erebe tärä mada sribeta yebe? (Heb. 4:12.) 2) Biblia tä nitre dimike ja ngwen kwin, akwa ¿ñobätä kukwe tare tä nakainkä ni jökräbätä? 3) ¿Kukwe meden metrere kädrieta Bibliabätä? 4) ¿Texto meden Bibliabätä tä nitre gure dimike a) blitakäre kwin jabe b) ñaka rabadre ngren ngren jabiti kwärikwäri? 5) ¿Ñobätä nitre kristiano rabadre ja mika gure ye mike tuin ütiäte jai nünankäre kä jutobiti mräkä kwe yebe? (Efe. 5:28, 29.) 6) ¿Nitre rüne raba ja töimike ño Jehová töi ye erere monso kwe yebe? (Mar. 1:9-11.) 7) ¿Nitre rüne rabadre dre nuainne ja tötikakäre bäri kwin mräkätre kwe yebe? 8) Biblia tä niere nitre rüne rabadre monso kwe tötike Bibliabätä, ¿akwa rabadre dre nuainne mada kräketre? 9) Ngwian ñakare ye ngwane texto meden raba nitre ja mräkäre dimike ja tuakäre kukwe yebe ye mä raba niere. 10)  Ja ükatekäre kwin, ñaka droga duadre, ñaka dö ñadre krubäte aune ñaka töbikadre krubäte, yekrä ¿texto meden Bibliabätä raba ni dimike ne kwe ni ngrabare tädre kwin? 11) ¿Kukwe meden Bibliabätä raba ni töimike tö ngwen kukwe kwin yei? (Job 33:25; Sal. 145:16.) 12) ¿Texto meden käkwe mä dimikani ja töi ükete kwin? 13) ¿Video nebiti mä raba nitre mada dimike ño?