Ja tötikadrebätä aune ñaka ükadrekrö jerekäbe

Tärä tä nemente ye konkrekasion kwati tä ükökrö jerekäbe. Mun nübaita tärä ye den ruäre jai ja tötikakäre. Nane ngwane Watchtower Library ye tärä munkwe, akwa tärä ye tädre mun kisete ye bäri kwin. Ne madakäre, ¿mä tärä ni iti tötike Bibliabätä abokän tä nirien kukwe ja üairebiti? Mä raba niara töi mike tärä tä nemente ye ükökrö jai ja tötikakäre. Arato, tärä sribebare mekera ye tädre ükaninkrö ja tötikakäre Ju ja Ükarakrö yete ye ni Kwela Sribi Ngöbökwe Kräke jie ngwanka käkwe mikadre gare kwin jai. Tärä ye jökrä ütiäte. Ja tötikadre tärä yebätä ye bäri kwin, aune ñaka ükadrekrö jerekäbe jabiti konkrekasionte.