Kä madakänti kantiko kukwe nua raba

Nitre Ngöbö mikaka täte ye kräke musika ye abokän jondron ütiäte biani kwe ietre (Sant. 1:17). Ye medenbätä, gätä kömika jämi känenkri aune tä krüte ye bitikäre konkrekasion kwati tä kantiko mike kukwe nuare. Nita nüke Ju ja Ükarakrö yekänti aune nita kantiko ye kukwe nuin ye tä ni töi mike jäme aune nita nemen juto biare Jehová mikakäre täte. Musika ngö mikata ye ngwane kantiko mrä ye ngö ño tä nüke gare nie aune ye tä ni dimike kantakäre bäri kwin. Gätä tä krüte ye bitikäre musika ye ngö mikata ye tä ni töi mike blite kwin jabe aune ja dimike kwärikwäri. Ye medenbätä, gätä kömika jämi känenkri aune tä krüte ye bitikäre, kantiko Ani kantare Jehovai (piano ngö mikata yebiti) ye ngö mikadre ye nitre umbre konkrekasionte rabadre nuainne. Musika ñaka ngö mikadre kri krubäte, ne kwe ja mräkätre tädre blite ye ngwane ja kukwei rabadre ruin kwin kwärikwäri ietre.