Jondron sribebare Ngöbökwe ye tä niara käikitekä

Jondron sribebare Ngöbökwe ye nitre kwati tä mrusaire angwane tä nemen tuin kwin ietre. Akwa, tätre jondron mrusaire ye ngwane Ni ni Sribekä ye töita ño aune brukwäta ño ni kräke ye ñaka nüke gare jire chi ietre (Rom. 1:20). Kirabe, David käkwe ñäkäbare Kukwe Jehovakwe yebätä ye köböire Niara namani gare ie. Arato, ‘tuani’ kwe aune rökrabare ken jondron sribebare kwe ye köböire (Sal. 8:3, 4). Video kädekata Las maravillas de la creación revelan la gloria de Dios ye käkwe ni aune monsotre nikwe, bätä nitre ja tötika Bibliabätä nibe, ye töi mikai jondron sribebare Jehovakwe ye mike ñärärä kwin. Ni ni Sribekä töi ño aune ja ngwen ño ye rabai gare nie aune ni rökrai bäri ken. Munkwe video ye tuadre, ye bitikäre kukwe ngwantarita ye mun raba mike gare.

1) ¿Jehovakwe kä kwinta sribebare aune ükaninte kwin metre kwe ye tä mä töi mike ño niara tarere bäri? (Isa. 40:26.) 2) Ni okwäta nemen ñö yebätä angwane, ¿ye tä dre mike gare nie Jehovabätä? (Rev. 14:7.) 3) Jehovakwe Kä tibien ne sribebare kwin aune ñaka mikani Ñänä ye ken aune ñaka mikani mente krubäte kwe, ¿ye tä mike gare ño nie niara abokän töbätä krubäte? 4) ¿Ñokäre Sö ye sribebare kwe? (Sal. 89:37.) 5) Jehovakwe ni sribebare ye ngwane, ¿ni sribebare ño kwe kä ngwankäre juto jabätä? 6) ¿Dre gärätä ADN? (Sal. 139:16.) 7) Jehovakwe jondron nire keta kabre sribebare kä tibien nebätä, akwa ¿ñobätä ni abokän ñaka ja erebe jondron mada yebe? (Gén. 1:26.) 8) ¿Mä törba dre nuain kä bä nuäre yete?

Jondron mada mikata tuare: 9) ¿Ñokänti jondron bä ye tuin nie? 10) ¿Ñokänti ñö ye niken kri ngätri yebätä nemen kri mutute kwin? 11) ¿Ñö tä sribire ño ni ngrabare? 12) ¿Kukwe meden tä bämike jondron nire tä sribire gwairebe? 13) ¿Ñobätä jondron nire ja erebe tä näin jabe? 14) ¿Dre abokän “ángulo áureo” aune jondron sribebare ye tä mike gare ño?

Jehovakwe jondron sribebare ye mikadre ñärärä. Jesukwe nitre ja tötikaka ben nübaibare “nukwä tä nikenkä käinta, se mik[e] ñäräre” arato “kri blü tä niren ño, yebtä [...] töbik[e]” (Mat. 6:26, 28, WBT). Nikwe ye erere nuaindi angwane tödeka nikwe rabai bäri dite, aune ni rabai tö ngwen bäri Jehovai, arato niara töbätä, ni kökataribare kwe, bätä ni tare kwe yebätä nikwe niara taredi bäri. Nikwe ñaka jondron kä nebätä ye tuanemetre ja näkwite, ñakare aune, nikwe kä diandrekä jai jondron sribebare Jehovakwe ye mikakäre ñärärä aune tä dre mike gare Ngöböbätä nie yebätä töbikataridre (Sal. 19:1).