Kukwe driekäre

Sabado kena septiembre yebätä ja tötika Bibliabätä driedre ño

“Nitre kwati tä üai käme ye jürä ngwen jabätä. ¿Dre nuain raba ja mikakäre üai käme rüere raba ruin mäi?” [Mäkwe tuanmetre blite.] Mäkwe nübai ñäke Hechos 19:19 yebätä, aune ye bitikäre mäkwe tärä Dre drieta ye bian kwati ie. Kukwe tä página 102 ye mäkwe kädrie ben aune Biblia tä dre niere kukwe yebätä ye erere nuaindre angwane ni raba ja kriemike üai käme yebätä ye mäkwe mika gare ie.

Ni Mikaka Mokre Julio-septiembre

“Bäsi kä jökräbiti tibien, nitre tä niken jondron ngwena jabätä ja kriemikakäre aune dre rabai bare ja känenkäre ye tätre ngwentari nitre blitaka chokabe yei. ¿Kukwe mika töta nemen gare jai jondron ñaka metre yebätä ye kwin raba ruin mäi?”. Mäkwe nübai ñäke Deuteronomio 18:10-12, aune ye bitikäre mäkwe täräkwata Ni Mikaka Mokre 1 julio ye bian kati ie, aune párrafo 4 tä página 10 ye mäkwe kädrie ben. Biblia tä dre niere kukwe yebätä mikadre täte ye ütiäte krubäte mäkwe mika gare ie. Mäkwe täräkwata drie ie aune mäkwe köbö ükate jai niara tuabitikäre.

¡Despertad! Septiembre

“Kä tibien ne gaite rü kri yebiti o jondron kri kä kwinbiti (asteroide) matai jai Kä tibien nebe o kä käme käkwe juain ngwarbe ye nitre kwati tä niere. ¿Kukwe nieta kä krütai yebätä ye ni rabadre mike era jai o kukwe ngwarbe nieta? [Mäkwe tuanmetre blite.] Biblia tä kukwe kwin ne käbämike nie [ñäkädre Salmo 37:29 yebätä] Kukwe keta kabre nieta kä krüte yebätä ye täräkwata ne tä kädriere aune dre rabai bare erametre ni kä tibienbätä kräke ye mikata gare metre kwe.”