Kukwe driekäre

Sabado kena febrero yebätä ja tötika Bibliabätä kömikadre ño

“Diablu köböite kukwe käme ye nuainta kä jökräbiti tibien nitre kwati tä nütüre. Akwa, ñokänti Diablu namani ye ñaka gare niaratre ruäre ie aune tätre ngwentari jai Ngöbökwe sribebare o ñakare. ¿Mä abokän tä töbike ño? [Mäkwe tuanmetre blite.] Dre nieta nete ye mike ñärärä.” Täräkwata Ni Mikaka Mokre 1 febrero yebätä tärä kä mrä yekänti kukwe tä mikani ye mäkwe mika tuare ie aune mäkwe párrafo kena ye kädrie ben bätä mäkwe ñäkä texto tä mikani yebätä. Täräkwata driedre ie aune köbö ükadrete kukwe mada ngwantarita kädriekäre ben.

Ni Mikaka Mokre 1 Febrero

“Ni iti abokän nitre kristiano, judío aune musulmanes tä mike ütiäte jai yebätä mätä töbike ño ye ti törba gai. Ni ye abokän Moisés. ¿Ni ye kädekateta mä olote angwane dre tä nüke mä töite? [Mäkwe tuanmetre blite.] Moisés ja mikani ngite, akwa Biblia tä blite kwin krubäte niara yebätä ye mike ñärärä [mäkwe ñäkä Deuteronomio 34:10-12 yebätä]. Niara töi kwin ye kädrieta ketamä täräkwata nebätä aune ño ni raba ja ngwen niara erere ye kädrieta arato.”

¡Despertad! Febrero

“Kä nengwane nitre kwati tä niken juta madate nünankäre bäri kwin. ¿Ye erere tä nemen kwetre raba ruin mäi? [Mäkwe tuanmetre blite.] Nitre kwati tä niken juta madate ye ñaka nuainta kä nengwane aibe. Kukwe namani bare kädrieta tärä kena Bibliate yebätä ye mike ñärärä [mäkwe ñäkä Génesis 46:5, 6 yebätä]. Kukwe mada ngwantarita ye täräkwata ne tä mike gare.” Kukwe ngwantarita mrä página 6 ye mäkwe mika tuare ie.