Nikwe ja töi mikadre kwärikwäri jondron kwin nuainkäre

Hebreos 10:24 tä niere: “Ari ja kite ja tarere kwärikwäri amne sribi kuin nuene jakrä kwärikwäri”. Nita kukwe kwin bämike aune nita blite yebiti ni raba ja mräkätre mada töi mike sribi kwin nuainne. Yebätä, nita kukwe driere ye ngwane kukwe kwin tä nemen bare nibätä, nikwe kädriedre ja mräkätre madabe. Nita sribire Jehová kräke ye tä kä mike juto nibätä angwane, ye nikwe mikadre tuare ja mräkätre mada ie. Akwa nikwe ñaka jakadre ja mräkätre madabe o ketadre ja mräkätre madabätä (Gál. 6:4). Nikwe ja di ngwandre ni mada töi mike “ja tarere kwärikwäri amne sribi kuin nuene”, akwa nikwe ñaka ye nuaindre ne kwe ja rabadre ruin ngite ietre aune rabadre sribi kwin nuainne yekäre (mäkwe tärä Benefíciese, página 158, párrafo 4 ye mika ñärärä). Nikwe ja mräkätre töi mikadre ja tarere kwärikwäri angwane, ja töbiti töi rabadi jondron kwin nuaindi, ñodre, töi rabai jondron bien ni madai aune kukwe driere (2 Cor. 1:24).