KUKWE ÜTIÄTE BIBLIABÄTÄ | JOB 21-27
Kukwe ñaka kwin niebare ye Job ñaka kani ngäbiti
Satana tä nitre Jehová mikaka täte ye di gainkä kukwe ngwarbe nieta yebiti. Satana kukwe ngwarbe niebare aune Jehová töita ño ye ñaka ja erebe kädrieta tärä Job yekänti yebätä töbike. Jehová töita bökän mäbätä ye texto Bibliabätä tä ngösöri ye meden tä mike gare metre mäi ye mäkwe nie.
SATANA TÄ KUKWE NGWARBE NIERE |
JEHOVÁ TÖITA ÑO |
|---|---|
Ngöbö tä kukwe ribere krubäte yebätä nitre niara mikaka täte tä jondron nuainne ye käi ñaka juto jirebätä. Ni nire o jondron ñaka tärä jire kämikaka juto Ngöböbätä (Job 4:18; 25:5). |
Nita ja di ngwen ye ütiäte Jehová kräke (Job 36:5). |
Ni ñaka ütiäte Ngöbö kräke (Job 22:2). |
Nita sribire töi bökänbiti ye Jehová tä kain ngäbiti aune tä kukwe kwin mike nemen bare ni kräke (Job 33:26; 36:11). |
Ni töi kwin ye ñaka töibikadre jire Ngöbö kräke (Job 22:3). |
Nitre kukwe metre nuainkä ye Jehová tä ngübare (Job 36:7). |