¿Jehovata kukwe käbämike yei mätä tö ngwen?

Jehovata kukwe käbämike ye jökrä tä mike nemen bare ye Josué aune Salomón käkwe mikani gare metre (Jos 23:14; 1Re 8:56). Nitre nibu kukwe metre niebare ye tä ni töi mike bäri tödeke kwatibe (2Co 13:1; Tit 1:2).

Josúe näire, Jehovakwe kukwe niebare ye mikani nemen bare ño kwe ye mikakäre gare jai, mäkwe película Kukwe niebare kwe ye jökrä tä nemen bare ye tua mä mräkä ben. Ye bitikäre kukwe ngwantarita ne munkwe mika gare jai: 1) ¿Rahab tödekabare ye erere ni raba tödeke ño? (Heb 11:31; Snt 2:24-26). 2) Nire nire ñaka Ngöbö mike täte nierare yebätä kukwe tare tä nemen bare, ¿Acánbätä kukwe namani bare ye tä mike gare ño? 3) Nitre gabaonita ye rükä dite, ¿akwa ñobätä niaratre Josué ngökani ja mäkäkäre kwin nitre Israel yebe? 4) Nitre reire amorreo nirike käkwe nitre Israel rä ötani ye ngwane, ¿kukwe niebare Jehovakwe ye namani bare ño? (Jos 10:5-14). 5) Mätä Gobran Ngöbökwe mike käne jai ye köböire, ¿Jehovakwe dre nuainbarera mä kräke? (Mt 6:33).

Jehovakwe dre nuainbarera, tä dre nuainne aune dre nuaindi kwe yebätä nita töbiketari angwane, nikwe tödekai bäri kukwe käbämikata kwe yei (Ro 8:31, 32).