KUKWE ÜTIÄTE BIBLIABÄTÄ | EZEQUIEL 1-5
Ezequiel nämene kukwe Ngöbökwe mike gare ye käi nämene jutobätä
Jehovakwe kukwe mikani tuare Ezequiel ie yete tärä keteiti biani kwe ie aune Ezequiel kwetadre niebare kwe ie. ¿Kukwe jökrä ye dre bämikani?
2:9-3:2
Ezequiel rabadre kukwe Ngöbökwe ye mike gare täte jai. Täräbätä kukwe nie nämene yebätä niarakwe töbikadretari angwane, matai kwin brukwäbätä aune töi mikai blitabätä.
3:3
Tärä ye bänä namani mane Ezequiel kadate ñan ñobätä aune niara töi nämene kwin sribi kwe yebätä.