Täräkwata Mä mräkä raba nüne kä jutobiti ye drieta Georgia.
Kukwe nieta tärä driekäre
¿DRE RIBETA NÜNANKÄRE KÄ JUTOBITI NI MRÄKÄ YEBE? (T-32)
Kukwe ngwantarita: Kukwe ngwantarita tä täräkwata chi nebätä aune dre nietabätä ye mike ñärärä. ¿Mä raba dre niere?
Texto: Lu 11:28
Tärä: Mä raba nüne ño kwin mä mräkätre ben aune ñobätä ni raba tö ngwen kukwe nieta Bibliabätä ie ye täräkwata chi ne tä mike gare.
NIKWE KUKWE METRE YE DRIEDRE
Kukwe ngwantarita: ¿Ngöbö kä ño?
Texto: Sl 83:18
Kukwe metre: Ngöbö kä Jehová.
MÄ MRÄKÄ RABA NÜNE KÄ JUTOBITI (hf)
Kukwe nieta kena: Video oto chi tä blite nitre ja mräkäre yebätä ne nunta mike tuare. [Video täräkwata Mä mräkä raba nüne kä jutobiti driekäre ye mäkwe mika tuare].
Tärä: Täräkwata drieta video yete yebätä mä törbadre ñäkäi ngwane, ti raba bien kati mäi o mäkwe diandrekä ño jai internet yete ye ti raba driere mäi.
MÄKWE BLITAI DREBÄTÄ MÄKWE TIKA JAI
Mäkwe blitai drebätä mäkwe tika jai nieta käne ye kwrere.