Tärä Jonás yebätä kukwe drieta ja töi kräke nie

Nitre kirabe brare aune merire ja ngwani metre Jehovai bätä kukwe nuainbare kwetre ye Jehovakwe tika mananbare Bibliabätä kukwe ütiäte mikakäre gare ja töi kräke nie (Ro 15:4). Tärä Jonás yebätä, ¿dre nibi gare nie? Video Ngöbö mikadre täte ni mräkäbe: Jehovata ni mike tuin bobre jai yebätä nikwe ja kitadre (Jonás) ye mäkwe tua, biti mäkwe kukwe ngwantarita ne mika gare:

• Video yete, ¿nitre kukwe driekä nimä ye itire itire ja tuani kukwe medenbe?

• Mäträta nibätä o sribi konkrekasionte diankata nikän ye ngwane, ¿tärä Jonás ye tä ni dimike ño? (1Sa 16:7; Jon 3:1, 2).

• Kukwe namani bare Jonás yebätä, ¿ye tä ni dimike ño töbike kwin nita kukwe driere nitre ie ye ngwane? (Jon 4:11; Mt 5:7).

• Nita bren krubäte ye ngwane, ¿kukwe namani bare Jonás yebätä ye tä ni töi mike ño jäme? (Jon 2:1, 2, 7, 9).

• Nikwe ñäkädre Bibliabätä aune töbikadretaribätä ye ütiäte krubäte. ¿Video ne tä kukwe ye mike gare ño nie?