KUKWE ÜTIÄTE BIBLIABÄTÄ | JUAN 5, 6

Töi bökänbiti mäkwe nän Jesús jiebiti

6:9-11, 25-27, 54, 66-69

Jesús kukwe niebare ye ñaka nükani gare nitre nänkä niara jiebiti ie aune niaratre ruäre namani rubun bätä ñaka namanina näin Jesús jiebiti. Köbö ye känenkri, Jesús jondron ñan tuabare nuainbare niaratre bukakäre, yebiti bämikani kwe Ngöbö nämäne ja di bien ie. Akwa, ¿ñobätä niaratre kämikaninkäbätä? Niaratre ñaka nämäne näin töi bökänbiti Jesús jiebiti. Nämänentre dre dre ribere jai ye Jesús biandre ietre yei niaratre tö namani.

Mä raba ngwentari jai: “¿Ñobätä tita näin Jesús jiebiti? ¿Kukwe kwin tä nemen bare nengwane aune rabai bare ja känenkäre yebätä metrere tita Jesús mike täte? ¿O tita Jehová tarere bätä ti tö mikai täte yebätä?”.

Jesús jondron ñan tuabare nuainbare nitre nänkä jiebiti ye bukakäre. Niaratre kwati käkwe kämikaninkä Jesubätä aisete nitre apóstol tö namani kämikaikä niarabätä arato o ñakare ye ngwanintari kwe ietre

Jerekäbe ni tädre Ngöbö mike täte ja ruin kwin nie ja mräkätre aune ja ngwaitre ben yebätä ngwane, ¿ñobätä ye ñaka kwin?

Jerekäbe ni tädre Ngöbö mike täte ni tö nünain Kä Bä Nuäre te yebätä ngwane, ¿ñobätä ye ñaka kwin?