Jesukwe Rün mikani ütiäte jai aune käikitaninkä kwe

7:15-18, 28, 29; 8:29

Jesukwe kukwe niebare aune kukwe nuainbare yebiti käre Rün kä kwinbiti mikani ütiäte kwe jai. Jesús nämäne kukwe niere ye abokän nämäne kite Jehovakri ye rabadre gare nitre ie yei tö namani. Ye medenbätä, nämäne Ngöbö Kukwei yebätä kukwe driere aune ruäre ngwane nämäne kädekete. Aune nitre nämäne niara käikitekä ye ngwane nämäne nitre töi mike blite Jehovabätä aune ñaka jabätä. Jehová sribi biani nuaindre ie ye rabadre bare ie ye namani bäri ütiäte kräke (Jn 17:4).

¿Ni raba ja ngwen ño Jesús erere kukwe nekänti?

• Nita nitre tötike Bibliabätä o nita dirire gätäte ye ngwane.

• Nitre mada tä ni käikitekä ye ngwane.

• Nita kä denkä jai jondron nuainkäre ye ngwane.