Ja tareta ye tä ni kristiano erametre bämike: Kukwe metre ye nikwe käi ngwandre juto jabätä

ÑOBÄTÄ ÜTIÄTE: Jesukwe nuainbare erere, nikwe kukwe metre mikadre gare Ngöbö töita ño yebätä (Jn 18:37). Kukwe ngwarbe nieta aune kukwe ñaka kwin nuainta ye näire nita nüne, akwa nikwe kukwe metre ye käi ngwandre juto jabätä, nikwe kukwe metre niedre aune nikwe töbikadre kukwe metre ye aibebätä (1Co 13:6; Flp 4:8).

NUAINDRE ÑO:

• Blitata ngwarbe ni madabätä ye nikwe ñaka kukwe nuadre aune ñaka kädriedre (1Te 4:11).

• Kukwe ñaka kwin nemen bare ni madabätä ye nikwe ñaka käi ngwandre juto jabätä.

• Kukwe kwin raba ni dimike yebätä nikwe ja töi mikadre.

VIDEO JA TAREDRE KWÄRIKWÄRI: KUKWE KÄME NUAINTA YE JA TARE ÑAKA KÄI NGWEN JUTO JABÄTÄ, ÑAKARE AUNE KUKWE METRE YE TUIN KWIN IE YE MÄKWE TUA, BITI KUKWE NGWANTARITA NE MÄKWE MIKA GARE:

• Kukwe ñaka kwin nämäne nemen bare ni madabätä, ¿ye ñobätä käi nämäne nemen juto Lisi yebätä ni raba niere?

• ¿Alicia dre nuainbare blitakäre kukwe kwin ye aibebätä?

• ¿Kukwe kwin meden medenbätä ni raba blite?