Pablo nikani mrenbiti Roma kokwäre

27:23, 24; 28:1, 2, 16, 17

Pablo kukwe driebare käre aune kitani ngite ye ngwane, kukwe driebare jankunu kwe arato. Niara nikani Roma kokwäre ngwane, kukwe driebare kwe nitre ru jie ngwanka aune nitre mada nänkä rute ie. Kä Malta ye ken ru nikani mrente nguse ye bitikäre, niarakwe kukwe kwin Gobran Ngöbökwe yebätä driebare nitre mikani räre kwe ie. Pablo nükani Roma ye bitikäre köbö köbömä aibe nikani ta ye ngwane, nitre bäri ütiäte kukwe judaísmo yebätä ye ükaninkrö kwe kukwe driekäre ietre. Aune kä kubu yete niara nämäne ngite ngwane, kukwe driebare kwe nitre nämäne nüke känti ye jökrä ie.

¿Mä raba dre nuainne kukwe driekäre kukwe ñaka nuäre tä mä kisete yebiti ta?