Nitre tä Jehová tarere yebe nikwe ja ketadre

¿Ñobätä ni rabadre ja kete nitre tä Jehová tarere yebe? Ñan ñobätä aune ja ketata ni madabe ye raba ni töi mike kukwe kwin nuainne o ñaka kukwe kwin nuainne (Pr 13:20). Ñodre, rei Jehoás ja ketabare sacerdote Jehoiadá ben ye ngwane, ‘kukwe metre nuainbare kwe Jehová okwäkänti’ (2Cr 24:2). Akwa Jehoiadá krütani ye bitikäre, ja ketamuko käme käkwe Jehoás töi mikani trö kwite Jehovai (2Cr 24:17-19).

Siklo kena yete, Pablokwe konkrekasion kristiano ye bämikani “ju kri” ye kwrere aune nitre tä yete abokän bämikani kwe “siä” o jondron mada mada gwita ye kwrere. Ni mräkätre, ja mräkätre konkrekasionte o nitre mada ñaka tä kukwe kwin nuainne Jehová okwäkänti yebe ni ñaka tä ja kete krubäte ye ngwane, ni abokän siä “jondron kwin ngwäre” ye kwrere (2Ti 2:20, 21, NGT). Ye medenbätä, nire nire tä Jehová tarere aune tä ni dimike Jehová mike täte ye nikwe känändre ja ketamukore.

VIDEO NIKWE DRE NUAINDRE ÑAKA JA KETAKÄRE JA KETAMUKO KÄME YEBE YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Dre dre köböite ni raba ja kete ja ketamuko käme ben abokän ni ñaka gadre jabätä?

• ¿Dre käkwe nitre kristiano nimä dimikani ñaka ja kete jankunu ja ketamuko käme ben?

• ¿Texto Bibliabätä meden raba ni dimike ja ketamuko kwin känene?