Monso bati, mäkwe ja di ngwan ‘sribi kwin’ nuainne

Pablo käkwe tärä tikani Tito ie ye ngwane, Tito aune monsotre bati mada rabadre ja di ngwen kukwe kwin bämikakäre “jondron jökräbätä” ye niebare kwe (Tit 2:6, 7, NGT). Biti kapitulo ye arabe känti niebare kwe, Jesukwe ngite dianinkä ni Jehová mikaka täte yebätä, ne kwe ni rabadre “jändrän kuin” nuainne kä jutobiti (Tit 2:14). Nita kukwe driere aune nita Gobran Ngöbökwe mike gare ye ngwane, nita sribi kwin nuainne. Mätä bati ye ngwane, ¿mä raba ja mike prekursor ausiliar o regular? (Pr 20:29).

Mä tö ja mikai prekursor ye ngwane, mäkwe kukwe mada ükate kwin jai ne kwe rabadre bare mäi (Lu 14:28-30). Ñodre, ¿mä ja mikai prekursor ngwane mäkwe jondron ütiä biain ño? ¿Mäkwe dre nuaindi ora ribeta ye nuainkäre täte? Kukwe tä mä kisete ye mäkwe mika gare Jehovai (Sl 37:5). Mäkwe kukwe ükaninte jai ye mäkwe kädrie mä rün, mä meye aune nitre prekursor mekerabe yebe. Biti mäkwe nuaindre rabakäre prekursor. Mäkwe ja di ngwain sribikäre Jehová kräke yebätä kukwe kwin biandi kwe mäi yei mä raba tö ngwen metre.

VIDEO MONSOTRE BATI TÄ JEHOVÁ KÄIKITEKÄ YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Ja ngwaitre bätä ja etebatre käkwe ja tuani kukwe medenbe ja mikakäre prekursor aune dre nuainbare kwetre?

• ¿Nitre rüne raba dre nuainne monsotre kwe dimikakäre ja mike prekursor?

• ¿Ora tädre ükaninte nikwe kukwe driekäre ye ñobätä ütiäte?

• ¿Ja mräkätre konkrekasionte raba dre nuainne nitre prekursor ye dimikakäre?

• ¿Kukwe meden kwin tä nemen nitre prekursor yekwe?