Ñö kri ye “dobokwe ñakaba”

Mekerabe nitre sribikä gobran kräke käkwe juta Jehovakwe dimikanina bä kabre (Esd 6:1-12; Est 8:10-13). Aune kä nengwane ‘dobo’ abokän kukwe ükateta metre gobrakwe juta ruäre te ye tä “ñö kri” ye ñainkä. Ñö kri ye abokän Satana tä ja mike juta Ngöbökwe rüere ye meden gärätä (Ap 12:16). Jehová, “Ngöbö nun diantarikä”, ye käkwe gobrantre kä tibienbätä töi mikanina juta kwe dimike bä kabre (Sl 68:20; Pr 21:1).

Akwa, ¿mätä tödeke yebätä mä tädre kitani ngite ngwane? Jehová tä mä ngübare yei mäkwe tö ngwan (Gé 39:21-23; Sl 105:17-20). Tödeka mäkwe yebätä kukwe kwin rabai mäkwe aune mätä ja ngwen metre ye ja mräkätre kä jökräbiti tibien dimikai, rabadre gare mäi (Flp 1:12-14; Ap 2:10, TNM).

VIDEO JA MRÄKÄTRE NÜNANKA COREA MIKANINTA KWÄRE YE MÄKWE TUA, BITI MÄKWE KUKWE NGWANTARI NE MIKA GARE:

• ¿Ñobätä kä kwati krubäte te ja mräkätre kwati kita nämäne ngite Corea del Sur yete?

• Nitre sribikä gobranbe ye käkwe kukwe meden ükaninte köböire ja mräkätre ruäre mikaninta kwäre, ¿köbö te nuaindre ye känenkri?

• Ja mräkätre kä jökräbiti tibien tä ngite tödeka kwetre yebätä, ¿ye ni raba dimike ño?

• ¿Gwä ngwane nita kwäre yebätä ni rabadre dre nuainne?

• Nitre sribikä gobranbe ye tä kukwe ükate kwin juta Ngöbökwe kräke yebätä ¿nire käikitadrekä?