‘Ni jökrä nämane kukwe kwatibebiti’ blite

11:1-4, 6-9, JK

Babel yete, nitre ñaka Jehová mikani täte ye niarakwe kukwei kwitani jene jene. Akwa kä nengwane, tä nitre kwati nünanka juta bätäkä känti, kukwei bätäkä ye ükökrö aune “kukwe keteitibebiti” blitakäre ye tä driere ietre, “ne kwe niaratre jökrä rabadre Jehová kädekete aune sribikäre gwairebe kräke” (Sof 3:9; Ap 7:9). ‘Kukwe keteiti’ ye abokän kukwe metre Jehovabätä aune kukwe käbämikata kwe tä Bibliabätä ye erere.

Ja kitadre blitakäre kukwe madabiti yekäre ñan jerekäbe kukwe ruäre rabadre gare ja töibiti nie. Nikwe ja di ngwandre töbike jene. Ye erere arato, nita ja kite ‘kukwe keteiti’ metrebätä ye ngwane, ni töi tä nikwite (Ro 12:2 , TNM). Ye abokän rabadre bare jankunu köböire juta Ngöbökwe tädre keteitibe (1Co 1:10).