¿Texto Ja Tötikakäre Köbö Kwatire Kwatire yebätä mätä ja tötike ne kwe kukwe kwin rabadre mäkwe?

Texto tä dianinkä aune kukwe mikata garebätä, tä tärä Texto Ja Tötikakäre Köbö Kwatire Kwatire yete, ¿yebätä mätä ñäke mantre jetebe? Mä ñan nuainne ngwane, ¿mä raba ja töi mike nuainkäre? Nitre kwati tä ñäke textobätä dekä dekä aune tätre sribire ngwane raba töbiketaribätä (Jos 1:8; Sl 119:97). ¿Mäkwe dre nuaindre ne kwe texto ye rabadre mä dimike? Dre nieta texto ye känenkri yebätä mäkwe ñäkä ne kwe rükadre gare kwin mäi. Kukwe ja jie ngwankäre meden mikata gare texto yebätä aune kukwe namani bare kirabe känti kukwe ye erere mikata gare yebätä mäkwe töbika. Ye bitikäre dre mikata gare kukwe ja jie ngwankäre yebätä ye erere mäkwe nuain. Kukwe mikata gare Bibliabätä ye ererebätä nita kukwe den nuaindre jai ngwane, nita ja jie ngwamana ie aune kukwe kwin raba nemen nikwe (Sl 119:105).

Ja mräkätre tä Betelte kä jökräbiti tibien ye tä ñäke Texto Ja Tötikakäre Köbö Kwatire Kwatire yebätä mrödre dekä kwetre ye ngwane. Bitinkä texto köbö kwatire kwatire kädrieta dekä dekä ye mikata JW Broadcasting^® categoría video GÄTÄ AUNE KUKWE KÄDRIETA nieta yekänti. ¿Ñongwane mrä mäkwe tuani keteiti? Mätä dre ribere jai ye ara mä raba kukwe nuain yete. Ñodre, kukwe namani bare Lotbätä ye raba ni dimike ño ye ani mike gare jai.

VIDEO NIKWE ÑAKA KÄ NE TAREDRE (1JN 2:15) YE MÄKWE TUA, BITI MÄKWE KUKWE NGWANTARITA NE MIKA GARE:

• ¿Texto kä driebare Betelte yete kukwe ja jie ngwankäre medenbätä blitabare?

• Nikwe kä ne o jondron kä nebätä taredre ye köböite kukwe tare raba nemen bare nibätä, ¿ye kukwe namani bare Lotbätä tä bämike ño? (Gé 13:12; 14:12; 19:3, 12, 13, 24-26).

• ¿Nita Jehová tarere aune ni ñaka kä ne, bätä jondron käbämikata kwe tarere ye nita bämike ño?