NITA JA NGWEN ÑO
Kukwe ñaka metre mikadre gare yebätä ja ngübadrebiti
Kä nengwane, kukwe mikata gare ye tä nemen gare jötrö nitre kwati ie radio, Internet, tevisión o periódico yebiti. Raba nainte nie, akwa nita Ngöbö erametre mike täte ngwane, ni ñaka tö kukwe ngwarbe mikai gare (Sl 31:5; Éx 23:1). Nita kukwe ye erere mike gare ni madai ye raba kukwe kri mike nemen bare. Kukwe meden metre ye rabadre gare nie yekäre, kukwe ne ngwandretari jai:
¿Nirekwe kukwe ye niebare ye ie tö ngwan raba? Ruäre ngwane, nirekwe kukwe ye niebare ie kukwe ñaka gare jökrä. Kukwe nieta jatäri ngwane kukwe jene mikata gare. Aisete ñobätä kukwe niebare ñaka gare mäi ngwane, mäkwe ja ngübabiti kukwe yebätä. Ja mräkätre kädekani sribikä konkrekasionte käkwe kukwe metre niedre ye ie tö ngwanta, aisete kukwe ñaka gare metre ietre ngwane ñaka niedre kwetre
¿Kukwe ye käkwe nitre mada bämikai käme? Ye erere ngwane, ñaka niedretari (Pr 18:8; Flp 4:8).
¿Kukwe ye mika raba era jai? Kukwe däteta bätäkä ngwarbe yebätä mäkwe ja ngübabiti.
VIDEO DRE RABA TI DIMIKE ÑAKA KUKWE NGWARBE NIERE YE MÄKWE TUA, BITI KUKWE NGWANTARITA NE MÄKWE MIKA GARE:
Proverbios 12:18 tä kukwe mike gare ye erere, ¿kukwe nieta nikwe ye raba kukwe meden tare mike nemen bare?
¿Filipenses 2:4 ye tä ni dimike ño töbike kwin käne blitakäre ni madabätä?
¿Kukwe blo nie jatadre ni madabätä o nierare nitre kädriedre ngwane dre nuaindre?
Ni jämi blite ni madabätä ngwane, ¿nikwe kukwe meden ngwandretari jai?