NITA JA NGWEN ÑO
Monso bati, ¿Jehová ye ja ketamuko bäri kwin mäkwe?
¿Mätä dre ngübare ja ketamuko kwin yebätä? Niara ja ngwandre metre mäi, ja ngwandre kwin aune ja töi mikadre mantiame kwe ye ngübata mäkwe. Aune Jehová töita ye erere (Éx 34:6; Hch 14:17). Mätä orare ie ye ngwane tä mä kukwe nuin aune mätä kukwe ribere jai ngwane käre tä juto mä dimikakäre (Sl 18:19, 35). Ne madakäre, kukweta nainte mäi ngwane tä ngite juen ta mäbiti (1Jn 1:9). ¡Jehová ye ja ketamuko kwin krubäte!
¿Ñokänti mä raba nemen ja ketamuko Jehová? Mäkwe ñäkäi Bibliabätä ngwane raba nemen gare mäi aune mäkwe tö ngwan ie (Sl 62:8; 142:2). Aune kukwe meden tuin ütiäte ie ye erere ütiäte mä kräke ye mäkwe bämikai ie, ñodre, Monso kwe, Gobran kwe aune kukwe käbämikata ja känenkäre kwe. Mäkwe blita Jehovabätä nitre madabe (Dt 32:3). Mäkwe ja ketai kwin Jehovabe ngwane, niara täi yete kärekäre mäbe (Sl 73:25, 26, 28).
VIDEO MONSOTRE BATI: “JEHOVÁ TÖI KWIN YE GAIN AUNE MIKE ÑÄRÄRÄ” YE MÄKWE TUA, BITI KUKWE NGWANTARITA NE MÄKWE MIKA GARE:
¿Ño mä raba ja mike juto ja diankakäre mento Jehová kräke aune ja ngökakäre ñöte?
¿Ja mräkätre konkrekasionte raba mä dimike ño sribikäre bäri kwin Jehová kräke?
¿Mätä kukwe driere ye raba mä mike ño ja kete kwin Jehovabe?
Mä raba ja kete Jehovabe kärekäre.
¿Dre dre köböire mä raba sribire bäri Jehová kräke?
¿Kukwe meden tuin bäri kwin Jehovabätä mäi?