Dre bäri ütiäte nikwe ye biandre Jehová ie

5:5-7, 11

Kä Israel yekänti, nitre nämäne nüne bobre akwa ye ñan nämäne niaratre ketebätä ja mäkäkäre Jehovabe. Nitre bäri bobre nämäne jondron bien aune Jehová nämäne kain ngäbiti akwa yekäre niaratre rabadre jondron bäri ütiäte o kwin ye bien. Niaratre nämäne harina bien, akwa harina bäri kwin abokänbiti nitre ka ngäbiti nämäne ye biandre ribe nämäne Jehovakwe (Gé 18:6). Kä nengwane, kukwe ruäre köböite ni ñaka raba jondron bien krubäte Jehovai ni tö nuaindi erere, akwa nita jondron bien ye ütiäte Jehová kräke aune tä kain ngäbiti (Heb 13:15).

Ni nämäne sribire ño käne ye erere ni tö nuainbätä akwa nita bren o ni di ñaka niena yebätä ni ñaka raba nuainne ngwane, ¿kukwe ne raba ni dimike ño?