NITA JA NGWEN ÑO
¿Kwela Nitre Gobran Ngöbökwe Kukwei Driekä kräke yete mä tö näin?
Kä 23 aune 65 mäbiti, mätä sribire köbö täte te, mä ñaka bren aune nitre ribeta kukwe driekäre ye känti mätä juto rikakäre ngwane, ¿ñobätä mä ñan solicitud Escuela para Evangelizadores del Reino ye ükete jai? Kwela ne kömikani ngwane nitre ja mäkäninte, ja mräkätre aune ngwaitre kaibe kaibe kwati krubäte tä solicitud juen rikakäre kwela nebätä. Akwa ja mräkätre brare ribeta bäri. Mä töi rabadre sribikäre bäri Jehová kräke aune ja ngwen Monso kwe ye erere yekräke mäkwe ja di kärä ie (Sl 40:8; Mt 20:28; Heb 10:7). Ye bitikäre, mä raba kukwe ükete jai ne kwe kä rabadrete bäri mäi, ñodre sribibätä o kukwe mada mada tä nuaindre mäi yebätä, ne kwe mä rabadre niken kwela yete.
Jä mräkätre graduabare kwela nebätä, ¿yekwe kukwe meden nuainbarera? Ja mräkätre ye ruäre juanina kukwe driere, kä känti blitata kukwe madabiti o kukwe ükateta kukwe driekäre jutate nitre nüke kwati yekänti. Niaratre ruäre tä nemen ni circuito tuabitikä, o niaratre kädekata sustituto circuito tuabitikä, o misionero erere. Mäkwe dre nuaindre sribikäre bäri Jehová kräke yebätä mätä töbiketari ngwane, mäkwe ja töi mika ni Ngöbö kukwei niekä Isaías erere, niara käkwe niebare: “¡Tita nete! ¡Mäkwe ti juan!” (Is 6:8).
VIDEO MISIONERO SRIBIKÄ: NITRE SRIBIKÄ JONDRON NGWÄ ÖTAKA, YE MÄKWE TUA, BITI MÄKWE KUKWE NGWANTARITA NE MIKA GARE:
Misionero tä kukwe driere ngwane, ¿niaratre diankata ño sribi ye nuainkäre?
¿Sribi meden meden kwin nuainta nitre misionero yekwe?
¿Kukwe meden meden kwin tä nitre misionero yekwe?