¿Nebera nuäi ti käne ja ngökakäre ñöte?
NITA JA NGWEN ÑO
Mäkwe ja töi mika sribikäre Jehová kräke
¿Mätä krire kukwebätä o mätä ja tötike Bibliabätä? ¿Ja ngökadre ñöte yebätä mä tärä töbike? ¿Ñobätä mäkwe nuaindre? Ñobätä ñan aune ni tä ja denkä mento Jehová kräke aune nita ja ngökö ñöte ngwane, nita kite ja kete Jehová ben aune ni raba nemente kwäre (Sl 91:1; 1Pe 3:21). ¿Dre dre nuaindre ja diankakäre mento aune ja ngökakäre ñöte?
Kukwe metre drieta mäi nete ye mäkwe mika era jai. Kukwe ñaka rükadre gare kwin mäi ngwane, mäkwe ja tötika ngusetabätä (Ro 12:2). ¿Kukwe ruärebätä tä ja töi kwitakäre mäi? Akwa mäkwe nuaindre töi kwinbiti, ne kwe Jehovakwe mä kadre ngäbiti (Pr 27:11; Ef 4:23, 24). Mäkwe ja di kärä Jehovai aune mä dimikai kwe üai deme yebiti (1Pe 5:10, 11). Ni ñaka tä ja di ngwen ngwarbekäre, ñobätä ñan aune sribidre Jehová kräke ye bäri kwin jondron mada kräke (Sl 16:11).
VIDEO NÄIN JA NGÖKA ÑÖTE KÖKWÄRE YE MÄKWE TUA, BITI KUKWE NGWANTARITA NE MÄKWE MIKA GARE:
¿Nitre ruäre ja tuani kukwe meden meden ben ja ngökakäre ñöte?
¿Mä raba dre nuainne ne kwe tödeka rabadre debe näre mäkwe ja diankakäre mento Jehová kräke?
¿Dre käkwe nitre kwati töi mikanina ja ngökö ñöte?
¿Nire tä ja töi mike sribire Jehová kräke yekwe dre kwin tä nemen?
¿Ja diankata mento aune ja ngökata ñöte ye abokän dre gärätä?