NITA JA NGWEN ÑO
Mäträta nibätä yebiti ni tare Jehovakwe bämikata kwe nie
Mäträta nibätä ye ketata ni tötikata yebe aune ni töi ükateta bätä ni mikata ja ngie nuin yebe arato. Bä kabre Jehová tä mäträre nibätä ne kwe ni rabadre niara mike täte niara tö ño ererebätä (Ro 12:1; Heb 12:10, 11). Mäträta nibätä ngwane raba nemen tare nie. Akwa nikwe kai ngäbiti ngwane, ni töi rabai metre aune Jehovakwe kukwe kwin mikai nemen bare ni kräke (Pr 10:7). ¿Nire tä mäträre aune nirebätä mäträta ye rabadre dre ngwen törö jai?
Nire tä mäträre. Nitre umbre ji ngwanka konkrekasionte aune nitre mada. Niaratre jökrä ye tä mäträre töi kwinbiti aune ja tare yebiti Jehová ye erere (Jer 46:28). Aune mäträta jume ye ngwane, dre nemen bare ye ererebätä nuaindre aune ja tare yebiti (Tit 1:13).
Nirebätä mäträta. Mäträta nibätä ngwane, nikwe kadre ngäbiti aune mikadre täte bengwairebe (Pr 3:11, 12). Ni jökrä ngite yebätä mäträdre nibätä ye nita ribere jai. Nita ñäke Bibliabätä o nita dre kukwe nuin gätäte yebiti mäträ raba nibätä. Akwa ruäre ngwane comité judicial yebiti mäträ raba nibätä arato. Mäträta nibätä ye nikwe kai ngäbiti aune nikwe ja di ngwain ja töi ükatekäre ngwane ja nire kärekäre rabai nikwe (Pr 10:17).
VIDEO NIRE NIRE TARE JEHOVAKWE YEBÄTÄ TÄ MÄTRÄRE YE MÄKWE TUA, BITI KUKWE NGWANTARITA NE MÄKWE MIKA GARE:
¿Canon nämäne monsore ngwane nämäne dre nuainne aune ye bitikäre dre namani barebätä?
¿Jehovakwe mäträbare ño Canonbätä?
Jehovata mäträre nibätä ye nikwe taredre.
¿Kukwe namani bare Canonbätä ye tä dre driere nie?